featured photo: Birat Post

काठमान्डौं,२२ माघ ।
स्वास्थ्य तथा जनसंख्या मन्त्रालयकी प्रवक्ता डा. संगीता मिश्रले कोभिडविरुद्धको खोप लिन उदेश्य अनुरुप मानिसहरु नआएका कारण खोप नीतिमा सरकारले नयाँ रणनीति बनाएको बताएकी छन् । खोप नलाउनेहरुलाई दायरामा ल्याएर अनिवार्य रुपमा खोप लाउन अधितम प्रयासमा स्वास्थ्य मन्त्रालय लागिपरेको बताइन् । सरकारले लिएको यो नीति मिडियामा आएजस्तो नागरिकलाई खोपबाट बञ्चित गराउन वा कसैमाथि विभेद गर्नका लागि नभएको दाबी गरेकी छन् ।

‘खोप कार्ड अनिवार्य गरेको विषयमा अनेकन प्रचार प्रशार भएका छन् तर यो किन भयो भनेर बुझ्नुपर्दछ। जनतालाई सास्ती दिनका लागि नभइ खोपमा पहुँच बढाउन राज्यले लिएको नीति हो। यसलाई सामान्य लिन र खोप लाउन प्रवक्ता मिश्रले आग्रह गरिन् ।