featured photo: Birat Post

विराटनगर,३ जेठ ।
विराटनगर महानगरका वडाहरुमा गठबन्धन नगर्दा एमालेलाई फाइदा भएको छ । विराटनगरको मेयर र उपमेयरमा गठबन्धन भए पनि वडामा भने गठबन्धन हुन सकेको थिएन । गठबन्धन गर्ने वा नगर्ने कुराको तालमेल नमिल्दा दलका उम्मेदवारहरु खुला प्रतिस्पर्धामा उत्रेका थिए ।

विराटनगर महानगरका १९ वटा वडा मध्ये ६ वटा वडाको मत गणना गर्दा एमालेले तीन वडा जितेको छ । विराटनगरका १ र २ को चुनावी परिणाम मंगलबार बिहान आएको थियो । वडा नं.१६, १७, १८ र १९ को सोमबार गणना सकिएको थियो । यसमध्ये एमालेले तीन, कांग्रेसले १, जसपाले १ , र स्वतन्त्र उम्मेदवारले १ जितेका छन् । जसमा १,२ र १९ नं.वडाहरुमा एमाले विजयी हुन पुगेको छ । अन्य वडाहरुको भने मतगणना जारी छ ।