featured photo: Birat Post

विराटनगर,२४ असार ।
विराटनगर रानीमा खुकुरी प्रहार गरी हत्या प्रयास भएको घटना सार्वजनिक भएको छ । घटना गत असार २२ गते भएपनि अपराधी पक्राउ नपरेपछी पिडित व्यक्तिले सञ्चारमाध्यमको सहयाता मागेका छन् । अपराधमा सम्लग्न पक्राउ पर्ने आसमा रहेका विराटनगर १८ खोक्साहाका हरेराम मण्डलले इलाका प्रहरी कार्यालय रानीमा जाहेरीपत्र बुझाएका थिए ।

खुकुरी प्रहारबाट सक्त घाइते बनेका हरेरामले दुइदिन बित्दा समेत अपराधी पक्राउ नपरेको र आफु थप असुरक्षित भएको विराटपोष्टलाई बताए । विराटनगर बाट रानी जाने क्रममा विराटनगर १८ खोक्साहका उमानन्द यादव (टन्टुडन्टु) र साजन यादवले रानी ,विराटनगर राजमार्गको सडकमै खुकुरी प्रहार गरी घाइते बनाउनका साथै ४० हजार रुपैया लुटेर भागेका थिए ।

हत्या गर्न खोजे पनि बाटोमा रहेका ब्यक्तिहरु देखेपछी उनिहरु भागेको पिडित ब्यक्तिको भनाइ छ । फरार अपराधिहरुको खोजी भइरहेको इलाका प्रहरी कार्यालय रानीका प्रमुख महेन्द्र दर्नालले जानकारी दिए । उनिहरु अपराध सजाय भोगेर हालै जेलजीवन मुक्त भएका ब्यक्तिहरु हुन् । पछिल्लो समय रानी क्षेत्रमा चोरी र अपराधका घटनाले बढवा पाइरहेको छ ।

सम्बन्धित

आजको मौसम : भारी देखि धेरै भारी वर्षाको सम्भावना

कोशी प्रदेशबाट बैदेशिक रोजगारीमा जानका लागि १ लाख ६० हजारले लिए श्रम स्वीकृति

आजको मौसम : यी प्रदेशमा वर्षाको सम्भावना

जङ्गली च्याउ खादा तीनजनाको ज्यान गयो