featured photo: Birat Post

विराटनगर,२६ असोज /

मोरङ क्षेत्र न ६ (ख) प्रदेश सभा सदस्यका लागि स्वतन्त्र उम्मेदवारी दिएका सुरेश श्रेष्ठले अर्का स्वतन्त्र उम्मेदवार गोपाल रेग्मीलाई समर्थन गर्दै उम्मेदवारी फिर्ता लिएका छन । निर्वाचन आयोगको तालीका अनुसार वुधबार दिउसो १ बजेसम्म उम्मेदवारी फिर्ता लिने समय तोकेको थियो । श्रेष्ठले अन्तिम समयमा आएर आफ्नो समर्थन रेग्मीलाइ रहेको भन्दै उम्मेदवारी फिर्ता लिएको घोषणा गरे ।

निर्णय क्षमता ,कार्य क्षमतासँगै बिकासका सवालम कसैसँगै नझुक्ने निडर रेग्मी जस्ता उम्मेदवार अहिलेका मतदाताको माग रहेकोले आफूले पनि समर्थन गरेको श्रेष्ठले बताए । अहिलेको चुनावमा पार्टी भन्दा राम्रो व्यक्ती जनताले चाहेको छ श्रेष्ठले भने , क्षेत्र न , ६ (ख) को बिकासका सबालमा रेग्मी उपयुक्त पात्र हुन । त्यसैले मैले समर्थन गरे ।

नेपाली कांग्रेस वडा न , ५ का क्रियासिल सदस्य समेत रहेका श्रेष्ठ जेष्ठ नागरिक समाज विराटनगरका सचिव र वडा न , ५ का अध्यक्ष हुन । उनी धेरै सामाजिक संघ संस्थामा आवद्ध छन । पञ्चेश्वर शिव मन्दिरको अध्यक्ष , राष्ट्रिय विभूती शंखघर साख्वा प्रतिष्ठानको अध्यक्ष , चैनपुर समाज र नेवा जिल्ला समितिको अध्यक्ष छन र निर्माण व्यवसायी समेत हुन । उनले रेग्मीलाई समर्थन गरेको बताएका छन् ।