featured photo: Birat Post

विराटनगर ,३० कात्तिक ।
नेपाली कांग्रेस नेतृ तथा मोरङ क्षेत्र नं: २ बाट उम्मेदवार बनेकी सुजाता कोइरालाले देशको समुन्नती सगै सुशासन दिने नेतालाई रोज्न आग्रह गरेकी छन् । जनताको हरेक समस्यामा साथ दिने नेता आजको आवश्यकता भएको भन्दै कोइरालाले त्यस्तो ब्यक्ति रोज्न आग्रह गरेकी हुन् ।

कोइरालाले भनिन् “सोच विचार गरेर मतदान गर्नुहोस् । मतदान गर्दा गलत निर्णय गर्‍यौं भने यो क्षेत्रको विकास हुन सक्दैन । आजको आवश्यकता को बाट पूरा हुन्छ त्यसलाई मनन गरेर मतदान गर्नुहोस् ।” यस्तै उनले गठबन्धन आजको आवश्यकता भएको औल्याइन् । गठबन्धनका उम्मेदवार जिताउन पनि उनले आग्रह गरिन् । गठबन्धनको सरकार निर्माणका लागि पनि सवै लोकतन्त्रवादीहरु जुट्न आवश्यक छ उनको भनाइ थियो ।

क्षेत्रमा कोइरालाको लोभलाग्दो सक्रियता
नेत्रृ कोइरालाको सक्रियता यतिबेला मतदाता माझ मात्र नभइ कांग्रेसीजनहरुमा पनि चर्चाको विषय बन्न थालेको छ । धेरैले सुजाता कोइराला प्रत्यक्ष निर्वाचन लड्दिनन् होला भन्थे स्थानिय कांग्रेस कार्यकता मनोज बराललले भने तर आज उहाँ क्षेत्रमा खटेको देख्दा मानिसहरु प्रशंसा गर्न थालेका छन् ।

आफुमा युवा जोश रहेको र गिरिजा वावुको सपना पूरा गर्ने लक्ष्यका साथ आफु निर्वाचनमा होमिएको उनले बताएकी छन् । युवाहरुलाई रोजगार ,महिलाहरुलाई सीपमुलक तालिम ,क्षेत्रको सडक विस्तार तथा बाढीबाट बर्षेनी जनताले भोग्नु परेको समस्या समाधान गर्ने उनको लक्ष्य रहेको छ ।

गिरिजावावुले आफु पछी यस क्षेत्रको विकासका लागि सत्तामा रहदा वा नरहदा पनि गर्नु भनेको र त्यसलाई आत्मसाथ गर्दै काम गरिरहेको उनले बताइन् । निर्वाचनका बेलामात्रै नभएर अन्य वेला पनि यस क्षेत्रको सुख दु:खमा सहभागी भइरहेको उनले स्मरण गरिन् ।