featured photo: Birat Post

विराटनगर,१७ फागुन ।

प्रदेश नं.१ ले ६ वर्ष पछि आफ्नो नाम जुराउन सफल भएको छ । नेकपा एमालेले दर्ता गराएको कोसी प्रदेश बैठकले पास गरेको छ भने प्रदेशसभाको बैठकले नेकपा एकीकृत समाजवादी पार्टीले टेबुल गरेको किराँत लिम्बुवान सगरमाथा प्रदेश नाम अस्वीकृत गरेको छ ।

प्रदेशको नाम कोसी राख्न गरिएको प्रस्तावमाथि अहिले सभामा सांसदहरुले आफ्नो धारणा राखिरहेका छन् । छलफलपछि आजै मतदान हुनेछ र नाम पूर्णत पास हुनेछ । यता प्रदेश १ को नामकरणको प्रक्रिया प्रदेशसभामा चलिरहँदा प्रदेशसभा भवन अगाडि पहिचानका आधारमा हुनुपर्ने भन्दै प्रदर्शन भइरहेको छ ।

प्रदेशको नाम कोसी हुने निश्चित भएपछि लिम्बुवान, किरात संयुक्त संघर्ष समितिले प्रदेशसभा अगाडि विराटनगरको देवकोटा चोकमा प्रदर्शन गरिरहेको छ । यस संगै त्यस क्षेत्रमा ठूलो संख्यामा सुरक्षाकर्मी परिचालन गरिएको छ भने प्रदेशसभा आसपासमा भने निषेधाज्ञा जारी गरिएको छ ।

सम्बन्धित

भारत-पाकिस्तान द्वन्द्वले सीमा क्षेत्रमा हाई अलर्ट, नेपाली भूमिमा समेत भारतीय निगरानी बढ्दो

अबैध रुपमा बंगलादेशी नागरिक नेपाल आइरहेको खुलासा

विपिन जोशीबारे इजरायली अधिकारीहरूले गरे यस्तो गम्भीर आशंका

रवीन्द्र मिश्रमाथि थपियो आपराधिक उपद्रको मुद्दा