featured photo: Birat Post

बैशाख,२३ शनिबार । बेलायतका राजा चार्ल्स तृतियाको वेस्टमिन्स्टर एबेमा आयोजित भव्य धार्मिक समारोहका बिच राज्याभिषेक गरिएको छ।

राजा चार्ल्सको जारी राज्यभिषेकमा उनले राजमुकुट पहिरिएका छन् । आर्चविशपले सेन्ट एड्वर्ड्ज् क्राउन राजाको शिरमा राखिदिएका हुन्। यो राजमुकुट पहिरिने राजा चार्ल्स तृतीय सातौँ शासक हुन्।यसअघि चार्ल्स द्वितीय, जेम्स द्वितीय, विलियम तृतीय, जोर्ज पञ्चम, जोर्ज छैटौँ, अनि एलिजाबेथ द्वितीयाले यो मुकुट पहिरिएका थिए।

सो समारोहमा सहभागी हुनका लागि विश्वभरका प्रतिष्ठित व्यक्तिहरूले भाग लिइरहेका छन् । र, हजारौं मानिसहरू लन्डनमा भेला भएका छन्। यो ७० वर्षमा बेलायतको पहिलो राज्याभिषेक हो। उक्त राजमुकुट पछिल्लो पटक सन् १९५३ मा महारानी एलिजाबेथले उनको राज्याभिषेकमा पहिरिएकी थिइन्।