Birat Post शुक्रबार, आषाढ ०८, २०८० मा प्रकाशित
काठमान्डौं,८ असार । नेकपा एकीकृत समाजवादीका अध्यक्ष माधवकुमार नेपालले एमालेका अध्यक्ष केपी शर्मा ओली नेपाली कांग्रेसलाई प्रभावित पार्ने काम गरिरहेको आरोप लगाएका छन् ।
शुक्रवार नेपाल कम्युनिष्ट पार्टी (एकीकृत–समाजवादी)को सम्पर्क सन्देश विमोचन समारोहमा अध्यक्ष नेपालले काँग्रेसले सरकार चलाएर साथ दिन तयार रहेको भन्दै ओली सत्ता गठबन्धनमा फुट ल्याउने खेलमा लागिपरेको बताएका हुन् । उनले ओलीले कम्युनिष्ट पार्टीका अध्यक्ष पुष्पकमल दाहाल प्रचण्डको सरकारलाई ढालेर शेरबहादुरलाई अघि बढाउन अनैकौँ प्रयास गरेको आरोप लगाए।
उनले भने, ‘अहिले पत्रिकामा पढ्नुभएको होला । केपी ओलीले नेपाली कांग्रेसलाई प्रभावित पारेर कांग्रेसले नै सरकार चलाओस् साथ दिन तयार छु भनिराछन् । कस्तो विडम्बना त्यो कम्युनिष्ट पार्टीको चरित्र कस्तो होला । कम्युनिष्ट पार्टीका अध्यक्ष प्रचण्डको सरकारलाई ढालेर दलाल पुँजीवादसँग आफूलाई जोडेका छन् शब्दले मात्र । उसैलाई अघि बढाउन अनैकौँ प्रयास गरेका छन् ।’
अध्यक्ष नेपालले आफूहरुले चालिरहेको कदमलाई ओलीले सकारात्मक रुपमा नलिएको भन्दै उनलाई खराब चरित्र भएको व्यक्तिकोरुपमा टिप्पणी गरे ।
तीजको पहिलो दिन आज दर खाइँदै
कांग्रेस र एमाले बीचको सहमति कार्यान्वयनमा शङ्का नगरौँः गृहमन्त्री
सुनसरीमा घर वापसी कार्यक्रम,१५ सय हिन्दूलाई पुनः स्वधर्ममा गरियो स्वागत
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
