काठमान्डौं,२१ साउन ।
सर्वोच्च अदालतले ललिता निवास जग्गा प्रकरणमा मन्त्रिपरिषदबाट निर्णय गर्नेहरुमाथि पनि अनुसन्धान गर्न आदेश दिएको छ ।
ललिता निवास जग्गा अनियमितता प्रकरणमा मुछिएका योगराज पौडेलले दायर गरेको बन्दी प्रत्यक्षीकरणको निवेदनमा न्यायाधीश अनिलकुमार सिन्हा र डा. कुमार चुडालको इजलासले नीति निर्मातामाथि समेत अनुसन्धान गर्न आदेश दिएको हो ।
यसबाट पूर्व प्रमद्वय डा.बाबुराम भट्टराई र माधकुमार नेपालमाथि पनि छानबिन गर्न मिल्ने बाटो खुलेको छ। अख्तियारले नीतिगत निर्णय भन्दै यी दुई तत्कालिन प्रमहरूउपर मुद्दा नचल्ने भन्दै मुद्दा दायर गरेको थिएन।