Birat Post मंगलबार, भाद्र १९, २०८० मा प्रकाशित
काठमाडौं,१९ भदौ। प्रहरीको केन्द्रीय अनुसन्धान ब्यूरो (सीआईबी)ले झण्डै ६१ किलो सुन तस्करी प्रकरणमा पूर्वउपराष्ट्रपति नन्दबहादुर पुन ‘पासाङ’ का छोरा दीपेश पुनसँग बयान लिएको छ ।
सीआईबीले पुनलाई सोमबार दिउँसो कार्यालयमै बोलाएर बयान लिएको एक प्रहरी अधिकृतले जानकारी दिए । सुन तस्करीमा संलग्न ब्यक्तिसँग दिपेशको सम्पर्क देखिएपछि प्रहरीले उनीसँग बयान लिएको हो ।
गत साउन ३ गते राजश्व अनुसन्धान विभागको टोलीले सो परिमाणको सुन त्रिभुवन अन्तर्राष्ट्रिय विमानस्थल भन्सार कार्यालयबाटबाट बाहिरिदै गर्दा समातेको थियो । सुन तस्करी प्रकरणबारे शुरुमा राजश्वको टोलीले अनुसन्धान गरेपनि पछि सीआइबीलाई जिम्मा लगाइएको थियो ।
पुन नेकपा माओवादी केन्द्रनिकट अनेरास्ववियु क्रान्तिकारीका महासचिवसमेत हुन् । सुन तस्करी प्रकरणमा हालसम्म २ जना बिदेशीसहित २६ जना पक्राउ परिसकेका छन् ।
चार प्रदेशमा भारी वर्षा, हिमाली भूभागमा हिमपात
गणेश मन्दिर अगाडि शुद्ध पिउने पानिको व्यवस्था
पृथ्वीसँग ठोक्कियो सौर्य आँधी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
