Birat Post शनिबार, भाद्र २३, २०८० मा प्रकाशित
विराटनगर,२३ भदौ / विराटनगर महानगरपालिकाका मेयर नागेश कोइरालाले भाषा, कला र संस्कृतिमा विराटनगर धनी रहेको बताएका छन् । हलुलाई समाज कल्याण सेवा समिति केन्द्रीय कार्यालय विराटनगरले आयोजना गरेको कार्यक्रममा प्रमुख अतिथिका रुपमा सम्बोधन गर्दैै मेयर कोइरालाले विराटनगर सानो भूगोलभित्र विभिन्न जातजाति, भाषा, धर्म र सम्प्रदायको बसोबास रहेको बताए ।
सबै जातजाति र सम्प्रदाको बेग्लाबेग्लै भाषा, संस्कृति र रहनसहन हुनुले विराटनगर सांस्कृतिक रुपमा धनी सहर भएको उनको भनाइ थियो । अनेकतामा एकता भएकै कारण सामाजिक रुपमा विराटनगरको विशिष्ट स्थान रहेको मेयर कोइरालाले बताए । आधुनिकताको विकाससँगै धेरै जातजातिको भाषा र संस्कृति लोप हुँदै गएकोमा उनले चिन्तासमेत व्यक्त गरे ।
मेयर कोइरालाले आफ्नो धर्म, संस्कृति र परम्परालाई बचाइराख्न सबैलाई आग्रसमेत गरे । आफ्नो संस्कृतिको संरक्षणमा हलुवाई समाज लागिपरेकोमा उनले प्रशंसासमेत गरे । कार्यक्रममा हलुवाई समाजका अग्रजहरुलाई सम्मानसमेत गरिएको थियो ।
पृथ्वीनारायण शाह, जंगबहादुर र बिपीले नेपालको अस्तित्व जोगाएका हुन्ः पशुपति शमशेर
दुध उत्पादक कृषकका समस्या समाधान हुन्छ : मुख्यमन्त्री कार्की
विराटनगरमा सुर्तीजन्य पदार्थको सेवन र बिक्रीवितरणमा कडाइ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
