Birat Post शुक्रबार, कार्तिक २४, २०८० मा प्रकाशित
विराटनगर, २४ कात्तिक। १२ वर्षअघिको हत्या आरोपमा प्रहरीले एक व्यक्तिलाई पक्राउ गरेको छ । सामान्य विवादमा साथीको हत्या गरी फरार रहेको आरोपमा संखुवासभाको धर्मदेवी नगरपालिका २ का २८ वर्षीय बुद्दे भनिने बुद्धिराज जिमीलाई जिल्ला प्रहरी कार्यालय संखुवासभाले पक्राउ गरेको हो ।
धर्मदेवी नगरपालिका २ का जिमीमाथि २०६८ साल फागुन ३ गते साविक तामाफोक गाउँपालिका–५ हाल धर्मदेवी २० का रविन जिमीको हत्या गरेको आरोप छ ।घटनापछि फरार रहेका उनी तीन दिनअघि मात्रै घर आइपुगेका थिए ।
घर पुगेको सूचना पाएपछि पुगेको प्रहरीले बिहीबार दिउँसो पक्राउ गरेको प्रक्राउ गरेको प्रहरीले जनाएको छ । युवतीको विषयमा विवाद हुँदा रामकुमार जिमी,बुद्धिराज जिमीसहितले रविनको हत्या गरेको अभियोग छ । घटाना हुँदा जिमी १६ वर्षको मात्रै थिए ।
घटनापछि फरार रहेका जिमी धरान र काठमाडौँ बस्दै आएका थिए । पेन्टिङको काम गर्ने उनी यसअघि घर नपुगेको प्रहरीको भनाइ छ । घटनापछि घर बाहिरै बसेका उनले ६ वर्षअघि विहे पनि गरेका थिए । घटनाको १२ वर्षपछि तिहार मान्नका लागि घर पुगेका बेला उनी पक्राउ परेका हुन् ।
शिक्षकहरुमाथी रिसिबी साँध्दै सरकार,आन्दोलनमा सहभागी १५८ शिक्षकको सरूवा
संक्रमणकालीन न्यायसम्बन्धी समानन्तर नागरिक आयोग बनाउने चेतावनी
आज देशका यी स्थानमा चट्याङ्गसहित मध्यम वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
