Birat Post शनिबार, बैशाख २२, २०८१ मा प्रकाशित
विराटनगर,२२ बैशाख ।
नेपाली कांग्रेसका केन्द्रीय सदस्य भीम पराजुलीले मुलुकमा राजनीतिक स्थिरता कायम गर्न ठूला दल मिलेर सरकार बनाउनुपर्ने बताएका छन् ।
नेपाली कांग्रेस विराटनगर-१ ले आयोजना गरेको कार्यक्रममा बोल्दै केन्द्रीय सदस्य पराजुलीले यस्तो बताएका हुन् । विगतमा राजनीतिक अस्थिरताकै कारणले मुलुकले धेरै क्षति व्यहोरेको प्रसङ्ग उल्लेख गर्दै उनले स्थिर सरकारले मात्र देशमा समृद्धि आउने र यसका लागि कांग्रेस र एमाले मिल्नुपर्नेमा जोड दिए ।
कांग्रेस र एमाले मिलेर सरकार बनोस् भन्ने जनमतलाई अंगिकार नगर्दा देशमा राजनैतिक अस्थिरता उत्पन्न भएको नेता पराजुलीको धारणा थियो । कांग्रेस र एमाले मिलेर वर्तमान निर्वाचन प्रणाली फेर्न आवश्यक भएको र त्यसका लागि ठूला राजनैतिक दल मिलेर अगाडि बढ्न आवश्यक रहेको उल्लेख गरे ।
मुलुकका हरेक परिवर्तनमा कांग्रेसले नेतृत्वदायी भूमिका निर्वाह गरेको उनले स्मरण गरे । उनले पार्टीलाई एक ढिक्का बनाएर लैजानुको विकल्प नभएकोसमेत बताए ।
नेपालले वेस्ट इन्डिजविरुद्ध तीन टी-२० आई खेलको सिरिज खेल्ने
नेतृ शैलजा आचार्यको १६ औं स्मृति दिवस : निष्ठा र त्यागको चर्चा गर्दै पोलिटेक्निकद्धारा विविध कार्यक्रम सम्पन्न
दिल्लीमा गर्मीको लहर : रेड अलर्ट जारी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
