Birat Post शुक्रबार, बैशाख २८, २०८१ मा प्रकाशित
विराटनगर,२८ बैशाख । कोशी प्रदेशका नवनियुक्त मुख्यमन्त्री हिक्मतकुमार कार्कीले आगामी वैशाख ३१ गते विश्वासको मत लिनेसम्बन्धी प्रस्ताव संसद सचिवालयमा दर्ता गराएका छन् ।
प्रदेशसभाका प्रदेशसभा सचिव गोपाल पराजुलीले दिएको जानकारी अनुसार मुख्यमन्त्री कार्कीले उक्त प्रस्ताव दर्ता गराएका हुन् । तीन दिन अगाडि प्रस्ताव दर्ता गर्नुपर्ने प्रचलन अनुसार उनले विश्वासको मतसम्बन्धी प्रस्ताव दर्ता गराएका हुन् ।
प्रदेशसभाको अधिवेशन सोही प्रयोजन र बजेट छलफलका लागि आव्हान भइसकेको छ । मुख्यमन्त्री कार्कीलाई प्रदेश प्रमुख पर्शुराम खापुङले वैशाख २७ गते बुधबार मुख्यमन्त्रीमा नियुक्त गरेका हुन् । कार्कीले बुधबार नै शपथ ग्रहण र पदभार ग्रहण गरिसकेका छन् । यस्तै उनले आफ्नो क्याबिनेटमा एमालेबाट रामबहादुर राना र माओवादीबाट गणेश उप्रेतीलाई मन्त्री नियुक्त गरिसकेका छन् ।
उता, उनको नियुक्ति प्रक्रियाविरुद्ध निवर्तमान मुख्यमन्त्री केदार कार्कीले भने सर्वोच्च अदालतमा बुधबार नै रिड दायर गरेका छन् । उक्त रिडमाथि बिहीबार सुनुवाई गर्दै सर्वोच्च अदालतले अन्तरिम आदेश दिनु नपर्ने जनाएको छ । यस्तै पूर्ण सुनुवाईका लागि जेठ ९ गतेको लागि समय तोकिएको छ ।
जेठ ९ गतेभन्दा अगाडि नै मुख्यमन्त्री हिक्मतकुमार कार्कीले विश्वासको मत पाएको खण्डमा केदार कार्कीको मुद्दा अझै कमजोर हुने ठानिएको छ ।
विराटनगरमा रहेको मानव सेवा आश्रमलाई विभिन्न दाताहरुको सहयोग
यी वर्षहरुमा खोप लाउन छुटेकाहरुलाई पोलियो विरुद्धको खोप दिइदै
आवाज भन्दा छिटो गतिमा यात्रा गर्न सक्ने विमान उडानको तयारी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
