Birat Post आइतबार, जेठ १३, २०८१ मा प्रकाशित

featured photo: Birat Post

अनुज सापकोटा

मनमा आँट, विश्वास र हौसला लिए कुनै पनि कुरा असम्भव छैन । अझ मनकारी सहयोगी भेटिए असम्भव कुरा पुरा गर्न सकस पनि हुँदैन । विश्वमा नै सबैभन्दा धेरै राष्ट्रिय गीत गाएर कलाकार सुमित खड्काले विश्व रेकर्ड तोडेका छन् । न्यू सृष्टि दैनिकका प्रधान सम्पादक प्रवन्धक शंकर खरेलको निरन्तरको साथ, सहयोग र प्रेरणाका कारण विराटनगरमा जन्मिएका एक युवाले विश्व रेकर्ड तोडेका हुन् ।

खड्काले यसअघि ५०६ वटा राष्ट्रिय भावनाले ओतप्रोत राष्ट्रिय गीत गाइसकेका थिए । न्यू सृष्टि दैनिकले लगानी गरेको ‘देशले खोजेको मान्छे ’ एल्बम विमोचन पश्चात खड्का विश्वमा सबैभन्दा बढी राष्ट्रिय गीत गाउने गायकका रूपमा गिनिज बुक अफ वल्र्ड रेकर्डमा नाम दर्ता गराउन आवश्यक प्रक्रिया थालिएको छ ।

एल्बममा कुल ८ गीत छ । विमोचन पछि उनले गाएका राष्ट्रिय गीतको संख्या ५१४ पुगेको छ, जुन विश्वमा हालसम्म कसैले पनि गाएकै छैनन् । आरोहण गुरूकुलमा आयोजना गरिएको विशेष कार्यक्रममा एल्बमको विमोचन गरियो । कोशी प्रदेशका मुख्यमन्त्री हिक्मतकुमार कार्की, सभासद भीम पराजुली, मोरङका प्रमुख जिल्ला अधिकारी प्रेमप्रसाद भट्टराई, मोरङ एसपी नवराज कार्की, नेकपा एकिकृत समाजवादीका स्थायी कमिटि सदस्य महेश रेग्मी, नेपाल उद्योग वाणिज्य महासंघ कोशी अध्यक्ष राजेन्द्र राउत, मोरङ उद्योग व्यापार संघका वरीष्ठ उपाध्यक्ष अनिलकुमार साह र ब्रह्मकुमारी राजयोग सेवा केन्द्र कोशी अध्यक्ष गीता दिदीले संयुक्त रूपमा एल्बमको विमोचन गरेका थिए ।

कार्यक्रममा बोल्दै न्यू सृष्टि दैनिकका प्रधान सम्पादक÷ प्रवन्धक एवं एल्बमका प्रस्तुतकर्ता शंकर खरेलले एल्बम विमोचन पश्चात विश्वमा नै सबैभन्दा धेरै राष्ट्रिय गीत गाउने कलाकारका रूपमा खड्का स्थापित भइसकेको बताए । उनले यसअघिका ५०६ र एल्बमको ८ गीत जोड्दा जम्मा ५१४ गीत हुने र यति संख्याको गीत गाइसकेपछि गिनिज बुक अफ वल्र्ड रेकर्डमा सबैभन्दा धेरै राष्ट्रिय गीत गाउने गायकको रूपमा खड्का दर्ता हुने भएकोले स्थानीय कलाकारको प्रवद्र्धन र प्रोत्साहनकालागि न्यू सृष्टि दैनिकले आफ्नै लगानीमा एल्बम तयार गरेको बताए ।
मोरङ प्रजिअ भट्टराईले विश्वको सबै ठाउँमा खड्काको गीत गुञ्जन पुग्नु भनेको नेपालीहरूकालागि गौरवको विषय भएको बताए ।

नेकपा एसका रेग्मीले राष्ट्रियता कमजोर भएको अवस्थामा राष्ट्रियताको ओतप्रोत भावनाले व्यक्तिगत राजनीतिक स्वार्थहरू पाखा लाग्ने बताए । सभासद पराजुलीले खड्का राष्ट्रको सम्पत्ति भएको बताए । उनले खड्कालाई यो मुकामसम्म पु¥याउन न्यू सृष्टि दैनिकका प्रधान सम्पादक खरेलको देनलाई विर्सन नहुने बताए । नेपाल उद्योग वाणिज्य महासंघ कोशी प्रदेशका अध्यक्ष राजेन्द्र राउतले गायक खड्का सरल र सहज व्यक्तित्वका धनी भएको बताए । उनले राष्ट्रिय गीतले राष्ट्रलाई माया गर्न प्रेरित गर्ने गरेको बताए ।

रेकर्डमा नाम दर्ता गराउन नेपाल उद्योग वाणिज्य महासंघ कोशी प्रदेश र कोशी प्रदेश सरकारको प्रमाणीकरण आवश्यक पर्छ । महासंघ र प्रदेश सरकारले प्रमाणीकरणकालागि कुनै अवरोध नगर्ने वचन दिएका छन् । एल्बममा राष्ट्रिय भावनाले ओतप्रोत कुल ८ राष्ट्रिय गीत समावेश छ । ध्रवराज पौडेल, एस्पी कोइराला, पारममण्ी बराल, अमर वान्तु, सुरेन्द्र खड्का, माधव पोख्रेल, चुडामणी देवकोटा र कल्याण श्रेष्ठको रचना रहेको गीतको संगीतकार शक्ति बल्लभ रहेका छन् । एल्बमलाई हाइलाइफ, सांग्रीला, रमपम, सेल्लो, टेष्टी–टेष्टी, हिमगिरीले प्रायोजन गरेका हुन् ।

सम्बन्धित

ताजा अपडेट
विराटनगर वडा नं. ८ का जेष्ठ नागरिक भाग्यमानी, वडाध्यक्ष पोखरेलको सक्रियताले पाए दाँत
विद्यालयस्तरीय फुटबलमा डन बस्को स्कुलको विजयी सुरुवात
आठ देशका लागि राजदूत सिफारिस, को को छन् ?

लोकप्रिय

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल