Birat Post शुक्रबार, जेठ २५, २०८१ मा प्रकाशित

featured photo: Birat Post

विराटनगर,२५ जेठ । भारतीय प्रधानमन्त्री नरेन्द्र मोदीले आगामी आइतबार लगातार तेस्रो कार्यकालका लागि शपथ लिने भएका छन् । समाचार एजेन्सी एएनआईले आइतबार साँझ ६ बजे मोदीको शपथ हुन सक्ने उल्लेख गरेको छ ।

यसअघि मोदीको शपथ शनिबार हुने बताइएको थियो । मोदीले नेपाल लगाएका देशका प्रधानमन्त्रीहरुलाई आफ्नो शपथमा सरिक हुन निम्तो पठाइसकेकाले नयाँ तिथि भने नसर्ने अपेक्षा गरिएको छ ।

गत मंगलबार घोषित लोकसभा चुनावको नतिजामा भारतीय जनता पार्टी (भाजपा) को नेतृत्वमा रहेको राष्ट्रिय लोकतान्त्रिक गठबन्धन (एनडीए) ले लगातार तेस्रो पटक सत्ता हासिल गरेको छ ।

राष्ट्रिय लोकतान्त्रिक गठबन्धनका दलका नेताहरूले बुधबार बैठक गरी प्रधानमन्त्री नरेन्द्र मोदीलाई आफ्नो नेताका रूपमा चुनेका छन् । पछि प्रधानमन्त्री मोदीले विकसित भारत निर्माणका लागि एनडीएले काम गर्ने बताए ।

प्रधानमन्त्री मोदीले बुधबार ट्विटमा “हाम्रा मूल्यवान् एनडिए साझेदारसँग भेटवार्ता भएको छ । हाम्रो गठबन्धनले राष्ट्रिय प्रगतिलाई अगाडि बढाउने छ र क्षेत्रीय आकांक्षाहरू पूरा गर्नेछ” भनेका छन् । उनले अगाडि भनेका छन्, “हामी भारतका एक अर्ब ४० करोड जनताको सेवा र विकसित भारत निर्माण गर्ने दिशामा काम गर्नेछौँ ।”

भाजपाले चुनाव जितेका मन्त्रीहरुलाई दोहोर्याउने भएको छ । चुनाव हारेकी भए पनि स्मृति इरानी र राजीव चन्द्रशेखरलाई भने अवसर दिन सक्ने आँकलन पनि भइरहेको छ ।

यसका लागि भाजपा अध्यक्ष जेपी नड्डाको दिल्लीस्थित निवासमा अमित शाह र राजनाथ सिंहको उपस्थितिमा गहन छलफलसमेत भएको छ ।

सम्बन्धित

ताजा अपडेट
विराटनगर वडा नं. ८ का जेष्ठ नागरिक भाग्यमानी, वडाध्यक्ष पोखरेलको सक्रियताले पाए दाँत
विद्यालयस्तरीय फुटबलमा डन बस्को स्कुलको विजयी सुरुवात
आठ देशका लागि राजदूत सिफारिस, को को छन् ?

लोकप्रिय

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल