featured photo: Birat Post

विराटनगर,३० जेठ । राजा र हिन्दु राष्ट्रको वकालत गर्दै आएको एकीकृत राष्ट्रिय संघर्ष समितिले विराटनगरमा राजा महेन्द्र वीरविक्रम शाहदेवको १०५ औं जन्मजयन्ती मनाएको छ ।

समितिका केन्द्रीय अध्यक्ष बल्लभप्रसाद दाहालको अध्यक्षतामा भएको कार्यक्रममा सयौ मानिसहरुको उपस्थिती रहेको थियो । कार्यक्रममा राजावादी नेताहरु बद्री मण्डल, जीतबहादुर अर्जेल लगायतले राजतन्त्र र राजा महेन्द्रको योगदानबारे चर्चा गरेका थिए ।

उनीहरुले ‘अहिले नेपाल र नेपालीको अवस्था अत्यन्तै नाजुक रहेको बताए । २००७ सालदेखिको प्रजातन्त्रको रटानले नेपाल र नेपालीको अस्तित्व समाप्त हुँदै गएको भन्दै चिन्ता व्यक्त गरेका छन् ।

भ्रष्टाचार र मनपर्दी शासन व्यवस्थाका कारण मुलुकको अवस्था ओरालो लाग्दै गरेको र यसका विरुद्ध आवाज उठाउन उनीहरुले आग्रह गरे ।