featured photo: Birat Post

विराटनगर,३० जेठ । राजा र हिन्दु राष्ट्रको वकालत गर्दै आएको एकीकृत राष्ट्रिय संघर्ष समितिका केन्द्रीय अध्यक्ष बल्लभप्रसाद दाहालले राजा नमान्नेहरु सच्चा राष्ट्रवादी वन्न नसक्ने वताएका छन् ।

राजा महेन्द्र वीरविक्रम शाहदेवको १०५ औं जन्मजयन्ती मनाउन विराटनगर आइपुगेका दाहालले पत्रकारहरु संग बोल्दै सच्चा राष्ट्रवादीले पृथ्वीनारायण शाहका सन्तान र तिनीहरुले दिएको योगदान भुल्न नसकिने वताए ।

उनले नेपालका राजाहरुलाई तानासाह भन्नेहरू नै वास्तविक तानासाह भएको बताए । अहिले कुन गतिमा देश चलिरहेको छ,”दाहालले भने सर्वसाधरण जनताले समेत बुझिसकेका छन् ।” दीर्घकालीन योजना अन्तरगत नेपालका राजाहरुको बंश विनास हुने गरी काम भएको र अहिले रहेकाहरुको समेत बदनामी गरेर देश अधोगतीमा अगाडि बढिरहेको बताए ।

उनले नया सिरावााट देशलाई अगाडि वढाउन सकिने र यसका लागि सवै अटाउने नीति अवलम्वन गर्न आवश्यक भएको बताए । उनले भने,”यदी त्यसो पनि नगर्ने हो भने देश रहने हो या नरहने हो त्यो स्थितीमा पुग्न सक्छ ।”