featured photo: Birat Post

काठमान्डौं,१२ साउन । क्रिकेटर सन्दीप लामिछानेलाई बलात्कार मुद्दा हालेकी युवती गौशाला २६ ले आफू शान्तिपूर्ण र त्रासरहित जीवन जिउने पक्षमा रहेको बताइन् । क्रिकेटर सन्दीप लामिछानेलाई बलात्कार मुद्दा हालेकी युवती गौशाला २६ ले पाटन उच्च अदालतले दिएको फैसलाविरुद्ध सर्वोच्चमा पुनरावेदन नगर्ने जनाउँदै यस्तो निवेदन लेखेकी हुन् । गौशाला २६ ले गत जेठ २ गते पाटन उच्च अदालतले सन्दीपलाई सफाइ दिने गरी गरेको फैसालविरुद्ध सर्वोच्च नजाने भन्दै उच्च सरकारी वकिलको कार्यालयमा शुक्रबार निवेदन दिएकी हुन् ।

उच्च सरकारी वकिलको कार्यालय पाटनका उपन्यायाधिवक्ता एवम् प्रवक्ता धर्मअवतार कोइरालाले निवेदन आएको बताएका छन् । गौशाला २६ ले सन्दीपविरुद्धको मुद्दाका कारण अनेक तनाव भोग्नु्परेको बताएकी छन् । ‘यस मुद्दा दर्ता भए लगत्तैदेखि मेरो मानसिक एवम् सामाजिक जीवनमा परेको अतुलनीय असरको फाइदा उठाउँदै विभिन्न व्यक्ति तथा संस्थाले प्रतिवादीको भ्रमपूर्ण खबर र म माथि दबाब फैलाउँदै आएका थिए’, उनले निवेदनमा भनेकी छन् ।