Birat Post सोमबार, साउन २१, २०८१ मा प्रकाशित
विराटनगर,२१ साउन ।
विराटनगरमा ३१ फिटको काँवर घुमाएर शिव मन्दिरमा जल चढाएको छ । विराटनगर- ८ भगवती बट्केश्वर महादेव थानगाच्छीवाट कामरु उठाएर नगरका विभिन्न भागको परिक्रमा गरि स्थानीय बासुकीनाथ मन्दिर र वनस्खण्डी मन्दिरमा जल अर्पण गरिएको थियो ।
नेपाली कांग्रेस केन्द्रीय सदस्य तथा कोशी प्रदेशका सांसद भीम पराजुलीले कार्यक्रमको शुभारम्भ गर्नका साथै तीनवटै शिव मन्दिरमा काँवरमा राखिएको घडासहितको जल अर्पण गरेका थिए । यस भन्दा अगडि स-साना काँवर (कामरु) लिएर नगर परिक्रमा गर्ने गरिएको भएपनि यसपटकबाट भने विधिवतरुपमा काँवर बनाएर कार्यक्रम आयोजना गरिएको मन्दिर समितिका अध्यक्ष तथा आयोजक राघव सहनीले जानकारी दिए ।
यो विधिवाट पहिलो पटक विराटनगरमा भोलेनाथलाई जल अर्पण गरिएको सहनीले बताए । आगामी पुस्तालाई स्मरण हुनेगरीको काम भएको भन्दै सहनीले खुसी व्यक्त गरे । शुभारम्भ गर्दै केन्द्रीय सदस्य पराजुलीले पुरातन कुराहरुलाई अझ स्तरिय बनाउदै कार्यक्रम गरिएको भन्दै आयोजकलाई धन्यवाद दिए । सनातन धार्मिक उन्नयनमा युवा पुस्ताको सक्रियता र चासोलाई आफुले उपलव्धिकोरुपमा लिएको बताए । ऐतिहासिक धार्मिक स्थल,जल,जमिन र तिनको स्वामित्व रक्षाका लागि लाग्न पनि उनले आग्रह गरे ।
यस्तै आज साउन महिनाको तेस्रो सोमबार । बिहानैदेखि देशभरका शिवालयहरूमा भक्तजनको भीड लागेको छ ।
साउन महिना भगवान् शिवको महिना र सोमबार भगवान् शिवजीको प्रिय बार भएकाले ब्रत बस्ने परम्परा छ । यस दिन विशेष रूपमा आशुतोष भगवान् शिवको पूजाआराधना गरिन्छ ।
आजको दिनमा महिलाहरूले विशेषगरी हरियो रंगका वस्त्र, चुरा र मेहंदी लगाएर भगवान् शिवको पूजा तथा आराधना गरी ब्रत बस्ने चलन रहँदै आएको छ । उक्त कार्य गर्नाले मनोकांक्षा पूरा हुने धार्मिक विश्वास छ ।
फोटो : कौशल निरौला
एमालेसँगको गठबन्धनको विकल्प नरहेको कांग्रेसको निष्कर्ष
निर्धारित समयमै पार्टीको महाधिवेशन हुनुपर्नेमा कोइरालाकाे जोड, गठबन्धको औचित्यमा प्रश्न
रेडक्रस मोरङले “रेडि” कार्यक्रम अन्तरगत जहदा गाउँपालिकामा १३ सय विरुवा रोप्दै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
