Birat Post मंगलबार, आश्विन २२, २०८१ मा प्रकाशित
काठमाडौं : भारत सरकारले नेपालमा हालै आएको बाढी र पहिरोबाट प्रभावित परिवारका लागि आपतकालीन राहत सामग्री हस्तान्तरण गरेको छ । भारत सरकारका तर्फबाट दूतावासका द्वितीय सचिव नारायण सिंहले बाँकेका प्रमुख जिल्ला अधिकारी खगेन्द्र प्रसाद रिजाललाई आपतकालीन राहत सामग्रीको खेप हस्तान्तरण गरेका हुन् ।
भारतीय दूतावासका अनुसार टारपोलिन, स्लीपिङ ब्याग, कम्बल, क्लोरिन ट्याब्लेट र पानीका बोतलसहितको ४.२ टन राहत सामग्री भारतबाट नेपालगञ्ज ल्याइ पुर्याइएको हो ।
दूतावासले भारत सरकार अन्य अत्यावश्यक सरसफाइ सामग्री तथा औषधिका साथै अन्य राहत सामग्रीको पनि व्यवस्था गरिरहेको बताउँदै उक्त सामग्रीहरु पनि छिट्टै उपलब्ध गराइने जनाएको छ ।
२०७२ सालको भूकम्पपछि नेपाललाई सहयोग गर्न भारत सरकारले सबैभन्दा शुरुमा तत्परता देखाएको बताउँदै दूतावासले बाह्य मुलुकमा अपरेशनमैत्री नामक सबैभन्दा ठूलो विपद् राहत अभियान सञ्चालन गरेको उल्लेख गरेको छ । भारतले २०८० साल कात्तिकमा जाजरकोटमा भूकम्प गएपछि पनि राहत सामाग्री उपलब्ध गराएको थियो ।
हालै आएको बाढी र पहिरोले निम्त्याएको विनाशमा नेपाल सरकारलाई हरसम्भव सहयोग गर्न भारत सरकार तत्पर रहेको दूतावासले उल्लेख गरेको छ ।
एलन मस्कलाई छोराले हिर्काए, दाहिने आँखा माथीको भागमा देखियो कालो धब्बा
किराँत याक्खा छुम्मा महानगर अध्यक्षमा प्रेम देवान
राजसंस्था पक्षधरको सडकमा तीन दिनः दबाब बढाउदै नेताहरू
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
