विराटनगर ,१२ पुस ।    मोरङको कटहरी गाउँपालिका – २ नयाँ बजार स्थित  ” विकास पोद्दार स्मृति परिषद् ”  द्वारा दुईजना जेहेन्दार तथा   विद्यार्थीलाई नगद छात्रवृत्ति सहित सम्मान गरेको छ। सम्मानित हुनेहरूमा विराटनगरस्थित सेन जोसेफ इङ्लिस बोर्डिङ स्कुल का छात्र विनम्र घिमिरे र कटहरी गाउँपालिका ४ स्थित भगवती आधारभूत विद्यालयकी छात्रा आरुसी कामत लाई सम्मान गरेको हो। घिमिरेलाई रु २१ हजार र कामतलाई रु ११ हजारद्वारा  सम्मान गरिएको हो ।

विकास पोद्दार स्मृति परिषद् का संरक्षक देवानन्द पोद्दार  कटहरी गाउँपालिकाक वडा नम्बर ४ का वडाध्यक्ष जिबेश्वर यादव डाक्टर रामलाल सुतिहार डाक्टर प्रतिभा मण्डल विष्णुदेव मण्डल लगायतले उनीहरूलाई सम्मान गरेका छन् । स्वर्गीय विकास पोद्दार अक्षय कोष बाट सम्मान गरिएको हो।

 स्वर्गीय विकास पोद्दार एक जेहेन्दार विद्यार्थी  थिए । उनको जन्म २०४९ साल भदौ ७ गते भएको थियो भने उनको मृत्यु 2079 साल पुष १२ गते जर्मनीमा निमोनिया रोगबाट मृत्यु भएको थियो। विज्ञान संकायमा स्नातकोत्तर गर्न उनी पूर्ण छात्रवृत्तिमा जर्मनी पुगेका थिए । परिवारका एकमात्र छोरो आफूसँग नहुँदा उनका पिता देवानन्द पोद्दार साह्रै दुःखी र मर्माहत छन् भने उनकी  एक छोरी हाल अमेरिका राज्यको  मेरील्यान्ड प्रान्तमा छिन् भने अर्की छोरी पोखरामा एमबिबिएस अध्ययनरत छिन्।