featured photo: Birat Post

रंगेली,२७ माघ । रंगेलीका छात्राहरुले पाठेघर क्यान्सर विरुद्धको खोप लगाएका छन् । रंगेली नगरपालिका १ गाहिगाडा स्थित त्रिभुवन माध्यमिक विद्यालयमा अध्ययनरत कक्षा ६ देखि कक्षा १० सम्मका छात्रा विद्यार्थीहरूले यो खोप लाएका छन् ।

नेपाल सरकारले गत माघ २२ गतेदेखि फागुन ६ गतेसम्म देशैभरि एच पी भी खोप सञ्चालन गर्दैछ । गाउँ टोल तथा विद्यालयहरूमा स्वास्थ्य कर्मीहरू पुगेर खोप लगाउने कार्य जारी छ। जस अन्तरगत त्रिभुवन माध्यमिक विद्यालय कक्षा ६ देखि कक्षा १० सम्म अध्ययनरत करिब १३८ छात्राहरूले खोप लगाएको विद्यालयका शिक्षिका जगेत्री कुमारी चौधरीले जानकारी दिइन्।