Birat Post मंगलबार, फाल्गुण १३, २०८१ मा प्रकाशित
विराटनगर,१३ फाल्गुन । जहदा क्रिकेट क्लवको आयोजनामा विराटनगरको मेरिवोन क्रिकेट मैदानमा भएको आठौं विष्णु माझी मेमोरियल अन्तर स्कुल क्रिकेट प्रतियोगिताको उपाधि सरस्वती स्कुलले जितेको छ ।
मंगरलबार भएको फाइनल खेलमा सरस्वती स्कुलले अर्किड स्कुललाई ७ विकेटले पराजित गरि उपाधि जितेको हो । टस जितेर ब्याटिङ गरेको अर्किडले निर्धारित २० ओभरको खेलमा १८ दशमलव १ बलमा सवै विकेट गुमाई ९५ रन बनाएको थियो । अर्किडका लागि अभय कामतले सर्वाधिक ५१ रनको योगदान दिए । सरस्वतीका सुरज मण्डलले ४ विकेट लिँदा निरज यादवले ३ विकेट लिए ।
९६ रनको लक्ष्य पछ्याएको सरस्वतीले १५ दशमलव ३ बलमा ३ विकेट गुमाई सो विजयी लक्ष्य पार गरेको थियो । सरस्वतीका दिगम्वर यादवले ३१ रन बनाउँदा प्लेयर अफ फाइनल क्रितिषा धामीले २२ रनको योगदान दिए । अर्किडका सुरज यादवले २ विकेट लिए । सरस्वती स्कुलबाट क्रितिषा धामी एक जना छात्रा खेलाडिले छात्रसँगै क्रिकेट खेल्ने मोरङ क्रिकेट इतिहासमा प्हलो खेलाडि भइन् ।
प्रतियोगिताको प्लेयर अफ द सिरिज सरस्वतीका विकाश कामत घाषित भए । त्यस्तै उत्कृष्ट ब्याटर सरुस्वतीका प्रशान्त यादव र उत्कुष्ट बलर अर्किडका प्रेम कामत भए । विजयी तथा अन्य खेलाडिलाई हिसान मोरङका पूवै अध्यक्ष राजेश कार्की, क्रिकेट एम्पायर सिरिस उपाध्याय र भास्कर अर्यालले पुरस्कार तथा ट्रफि वितरण गरे ।
एएफसी महिला एसियन कप छनोट : आज नेपाल र श्रीलंका भिड्दै
पहिरोले घर पुरिँदा ताप्लेजुङमा ५ जना घाइते
देशका यी स्थानमा भारी वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
