लगानी सम्मेलन
Birat Post शुक्रबार, बैशाख १९, २०८२ मा प्रकाशित
विराटनगर,१९ बैशाख / व्यावसायिक खेलबाट सन्यास लिएको अष्ट्रियाको तिरोलस्थित हिप्पो तिरोल भलिबल क्लबमा आबद्ध खेलाडीहरुलाई नेपाली युरोपियन स्पोर्ट क्लब अष्ट्रिया (एनईएससी)ले सम्मानसहित विदाई गरेको छ । अष्ट्रियाको पर्यटकीय सहर इन्स्ब्रुकस्थित सेन्सी डिलाइट्स रेष्टुरेन्ट कौफहाउस तिरोलमा आयोजित कार्यक्रममा क्लबले खेलाडीहरुलाई सम्मानसहित विदाई गरेको हो । केही समयअघिबाट सञ्चालनमा आएको इन्स्ब्रुककै आकर्षक रेष्टुरेन्टमा क्लबले विशेष कार्यक्रम गरेर विदाई गरेको थियो ।
कार्यक्रममा नेपाली युरोपियन स्पोर्ट क्लब अष्ट्रिया (एनईएससी)का अध्यक्ष दिलकुमार घमाल, पर्यटन व्यवसायी तथा समाजसेवी सोमत घमाललगायतले खादा लगाएर विदाई गरेका थिए । हिप्पो तिरोल भलिबल क्लबले आफ्नो इतिहासमा १३ औं च्याम्पियनसिप उपाधि जितेको थियो । हिप्पो अष्ट्रियाकै उत्कृष्ट भलिबल क्लबका रुपमा परिचित रहेको छ ।
आर्थिकमन्दीलगायत विविध कारणले हिप्पो भलिबल क्लबले व्यावसायिक जीवनबाट सन्यास लिनु निकै दुखद भएको नेपाली युरोपियन स्पोर्ट क्लबका अध्यक्ष घमालले बताए । अष्ट्रियामा मात्रै होइन युरोपमै चर्चित क्लबलाई आफूले सञ्चालन गरेको रेष्टुरेन्टमा आमन्त्रण गरेर सम्मानसहित विदाई गर्न पाउनु निकै राम्रो अवसर पनि भएको अध्यक्ष घमालको प्रतिक्रिया थियो ।
अध्यक्ष घमालले युरोपियन स्पोर्ट क्लबका तर्फबाट हिप्पो क्लबका खेलाडीहरुको आगामी जीवन थप सफल होस् भन्ने शुभकामनासमेत दिए । सन् २०२० मा स्थापित नेपाली युरोपियन स्पोर्ट क्लब अष्ट्रिया (एनईएससी)ले बेला–बेला भलिबल प्रतियोगिता गर्नुका साथै विभिन्न देशमा आयोजना हुने प्रतियोगितामा समेत सहभागिता जनाउँदै आएको छ । हिप्पो क्लबका खेलाडीहरुले रेष्टुरेन्टको अवलोकनसमेत गरेका थिए ।
आज प्रेस स्वतन्त्रता दिवस
कक्षा १२ को परीक्षा निर्धारित समयमा हुन्छ : बोर्ड
स्वदेश फर्किए भाजपाका विदेश विभाग प्रमुख चौथाइवाले
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
