ती अधिकारीले थप जानकारी दिँदै भने, “उनीहरूका परिवारलाई यो स्थितिको बारेमा पहिले नै जानकारी गराइएको छ।” इजरायली बन्धकका परिवारलाई जसरी सहयोग गरिन्छ, त्यसरी नै विदेशी बन्धकका परिवारलाई पनि इजरायल सरकारले सहयोग गरिरहेको उनकाे भनाइ छ ।

हमास र अन्य आतंककारी समूहहरूले हाल ५९ जनालाई बन्धक बनाएका छन्, जसमध्ये ३५ जनाको मृत्यु पुष्टि भइसकेको छ । मृत्यु हुनेहरूमा ३२ जना इजरायली र ३ जना विदेशी नागरिक रहेका छन्।

७ अक्टोबर २०२३ मा इजरायलमा हमास समूहले आक्रमण गर्दा अपहरणमा परेका जोशीलाई गाजातर्फ लगिएको थियो । हालसम्म उनको अवस्था अझै अज्ञात छ । उक्त आक्रमणमा परी १० जना नेपाली विद्यार्थीको मृत्यु भएको थियो भने ४ जना घाइते भएका थिए । विपिनको खोजी गरिदिन र रिहाइका लागि सरकारले पटकपटक आग्रह गरे पनि उनको अवस्थाबारे कुनै जानकारी हासिल भएको छैन। जोशीको बारेमा पत्ता लगाइदिन र रिहाइका लागि उनका परिवारले प्रधानमन्त्री, विभिन्न दलका नेता, इजरायलका रादूतलगायतलाई पनि भेटेर आग्रह गरेका थिए।