featured photo: Birat Post

विराटनगर,१२ जेष्ठ । विराटनगर स्थित आदर्श माध्यमिक विद्यालयका प्रधानाध्यापक सन्तोष पोखरेल “वर्षको उत्कृष्ट प्रधानाध्यापक अवार्ड”का लागि छनौट भएका छन् । प्रिन्सिपल एसोसिएसन अफ नेपालले प्रत्येक वर्ष प्रदान गर्ने वर्षको उत्कृष्ट प्रधानाध्यापक अवार्डका लागि पोखरेललाई छनौट गरेको आधिकारिक पत्र सार्वजनिक गरेको छ ।

यो पुरस्कार जेष्ठ २३ गते पोखरामा एक भव्य कार्यक्रमकाबीच प्रदान गरिने छ । प्रिन्सिपल एसोसिएसन अफ नेपालका अध्यक्ष सुदाम प्रसाद गौतमका अनुसार निष्पक्ष मूल्याङनका आधारमा विराटनगरमा रहेको श्री आदर्श माध्यमिक विद्यालयका प्रधानाध्यापक सन्तोष पोखरेललाई छनौट गरिएको हो । पुरस्कार प्रदान कार्यक्रममा देशभरका शिक्षाविद्,नीतिनिर्माता,प्रधानाध्यापक,शिक्षक विद्यार्थीको सहभागिता रहने बताइएको छ ।