Birat Post आइतबार, जेठ १८, २०८२ मा प्रकाशित
काठमाडौं, १८ जेठ । राजसंस्था तथा हिन्दुराज्यको माग राख्दै काठमान्डौं केन्द्रित आन्दोलनमा सहभागी नेता तथा कार्यकर्ताहरु पक्राउ परेसंगै राजावादीहरु थप आक्रामक देखिएका छन् ।
आइतबार राजावादी समूहको आन्दोलनको क्रममा राप्रपा नेपालका अध्यक्ष कमल थापा, राप्रपाका सांसद दीपकबहादुर सिंहलगायतलाई पक्राउ गरिएपछि उनीहरु थप आक्रामक देखिएका हुन् । यसको विरोधमा उनीहरुले प्रधानमन्त्री र गृहमन्त्रीको पुत्ला दहन गरेका छन् । यस्तै संयुक्त जनआन्दोलन समितिले भोली सोमबार उपत्यका बन्द गर्ने घोषणा गरेको छ ।
उनीहरुले सासद सिंह र राप्रपा नेपालका अध्यक्ष थापाको रिहाइको माग गरेका छन् । आज नक्सालको नारायण चौरबाट जुलुुस लिएर बालुवाटारतर्फ अगाडि बढ्ने क्रममा प्रहरीले राप्रपाका अध्यक्ष थापासहित २२ जनालाई पक्राउ गरेको थियो । सांसद सिंहलाई भने अध्यक्ष थापालाई भेट्न गएको ठाउँबाट प्रहरीले नियन्त्रणमा लिएको थियो । पक्राउ परेका थापा,सिंह लगायतलाई तत्काल रिहा नगरे विरोधका कार्यक्रमहरु अझ आक्रामक बन्ने संकेत राजाबादीहरुले गरेका छन् ।
निर्वाचन नजिकिँदै जाँदा शक्ति निर्माणको प्रतिस्पर्धामा नयाँ तथा पुराना दलहरु
जाँचबुझ आयोगमा बयान दिन जाने निर्णयमा पुगेको कांग्रेस नेता रमेश लेखकको भनाइ
विराटनगरमा जारी “विराट ट्रेड एक्स्पो”मा उपभोक्ता तथा दर्शकको चहलपहल बढ्यो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
