Birat Post बुधबार, आषाढ ०४, २०८२ मा प्रकाशित
एजेन्सी । अमेरिकी राष्ट्रपति डोनाल्ड ट्रम्पले इरानी सर्वोच्च नेता आयतुल्लाह खामेनीलाई आत्मसमर्पण गर्न सुझाव दिएका छन् ।
ट्रम्पले तत्कालका लागि इरानी सर्वोच्च नेता खामेनीलाई विना शर्त आत्मसमर्पण गर्नु सबै भन्दा उपयुक्त भएको सुझाव दिएका हुन् । ट्रम्पले आफ्नो सामाजिक सञ्जाल प्लेटफर्म टु्रथ सोसलमा इरानको बारेमा पोस्ट गर्दै नेता खामेनीबारे अमेरिका पूर्ण रुपमा जानकार रहे पनि तत्कालका लागि उनको ज्यान सुरक्षित रहेको बताए । उनले नेता खोमिनीलाई मार्न सजिलो रहे पनि अहिले केही नगर्ने दाबी गरेका छन् ।
इरानले इजरायलको तेल अभिभ र हाइफालाई खाली गर्न भनेपछि धेरै विस्फोट तेहरानमा भइरहेको छ । धेरै इरानी अहिले तेहरान छाड्न चाहिरहेका छन् । तर धेरैले अन्य कुनै पनि ठाउँ सही नभएको बताउन थालेका छन् । केही समयअघि गरेको एक अर्को पोष्टमा उनले इरानको आकाशमा पूर्ण नियन्त्रण कायम गरिसकेको बताएका थिए ।
इरानसँग राम्रा स्काई ट्रयाकर र अन्य रक्षात्मक उपकरणहरू धेरै रहेको उनले बताएका छन् । तर, त्यो अमेरिकामा बनेका, अमेरिकी डिजाइन र अमेरिकी निर्माणको तुलनामा कमजोर रहेको ट्रम्पको भनाइ छ । शुक्रबारदेखि इजरायलले इरानमा आक्रमण गरेपछि चलिरहेको युद्धमा इजरायलले इरानको बालिस्टिक मिसाइल प्रक्षेपण केन्द्रमा नै प्रहार गरेको जनाएको छ ।
इजरायलले इफाहान लगायत इरानको तीन आणविक केन्द्रमा आक्रमण गरिरहेको छ । अमेरिकाले लामो समयदेखि इजरायललाई सैन्य सहायता र उपकरण प्रदान गर्दै आएको छ । तर इरानमाथिको पछिल्लो आक्रमणमा अमेरिका संलग्न नरहेको ट्रम्पले स्पष्ट पारेका छन् । अमेरिकाले इजरायलको जेरुसेलमस्थित उसको दूतावास इरान इजरायलबीचको जारी द्वन्द्वका कारण बुधबारदेखि शुक्रबारसम्म बन्द गरेको छ ।
अमेरिकी दूतावासले सुरक्षा चेतावनी जारी गर्दै आफ्ना कर्मचारी र परिवारलाई अर्को सूचना नभएसम्म घरभित्रै सुरक्षित बस्न भनेको हो । यसैबीच अमेरिकी लडाकू जेटहरू इङ्ल्यान्डको पूर्वी क्षेत्रमा रहेको रोयल एयर फोर्स लेकनहिथ अड्डाबाट उडेका छन् । कम्तिमा एफ–३५ लडाकू जेटहरू रोयल एयर फोर्स लेकनहिथ अड्डाबाट उडान भर्दै गरेका देखिएका अन्र्तराष्ट्रिय सञ्चारमाध्यमले जनाएका छन् ।
एनसीडिएको ५२ औं स्थापना दिवसमा मोरङ शाखाद्धारा सप्ताहव्यापी कार्यक्रमको घोषणा
विराटनगरमा पूर्वप्रधानमन्त्री कोइराला र लायन्स संस्थापक मेल्भिनको सालिक अनावरण
मेयर र उपमेयरबीचको विवाद : धरान उपमहानगरपालिका तनावग्रस्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
