Birat Post बुधबार, आषाढ ०४, २०८२ मा प्रकाशित
विराटनगर,४ असार / विराटनगरस्थित विराटेश्वर वृद्धाश्रमको प्राङ्गणमा नेपालका पूर्वप्रधानमन्त्री तथा लोकतान्त्रिक आन्दोलनका अग्रणी नेता मात्रिकाप्रसाद कोइराला र लायन्स क्लब इन्टरनेशनलका संस्थापक मेल्भिन जोन्सको अर्धकद सालिक मङ्गलवार एक समारोहबिच अनावरण गरिएको छ। समारोहमा नेपाली काँग्रेसका केन्द्रीय सदस्य तथा कोशी प्रदेशसभा सदस्य भीम पराजुली र लायन्स क्लब इन्टरनेशनलका इन्टरनेशनल डाइरेक्टर बालकृष्ण बुर्लाकोटीले संयुक्त रूपमा सालिकको अनावरण गरे।
लायन्स क्लब अफ इन्नोभेटिभ विराटनगरको आयोजनामा सम्पन्न उक्त सालिक निर्माणमा लायन अजिता बराल र पूर्वडिस्ट्रिक्ट गभर्नर भीम घिमिरेको विशेष सहयोग रहेको क्लबले जनाएको छ। क्लब अध्यक्ष रन्जिता खनाल पराजुलीका अनुसार सालिक निर्माणको समन्वय तथा संयोजन आफैँले नेतृत्व गरेकी थिइन ।
सालिक निर्माणको मूल उद्देश्य सामाजिक परिवर्तनमा योगदान दिएका व्यक्तित्वहरूको सम्मान गर्नुका साथै नयाँ पुस्तालाई सेवा, समर्पण र नेतृत्वतर्फ प्रेरित गर्नु रहेको क्लबले जनाएको छ ।
निर्वाचन नजिकिँदै जाँदा शक्ति निर्माणको प्रतिस्पर्धामा नयाँ तथा पुराना दलहरु
जाँचबुझ आयोगमा बयान दिन जाने निर्णयमा पुगेको कांग्रेस नेता रमेश लेखकको भनाइ
विराटनगरमा जारी “विराट ट्रेड एक्स्पो”मा उपभोक्ता तथा दर्शकको चहलपहल बढ्यो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
