featured photo: Birat Post

विराटनगर,२८ असार । पतंजली महानगर योग समिति विराटनगरले नयाँ योग साधकहरुलाई स्वागत तथा सम्मान गरेको छ । महिला पतंजली योग महानगर समिति तथा पतंजली योग समिति मोरङको समन्वयनमा विराटनगर- ४ दयालु राधाकृष्ण धर्मशालामा कार्यक्रम भएको हो ।

२५ जना भन्दा नयाँ योग साधक,साधिकाहरुलाई प्रमाणपत्र र परिचय प्रदान गरिएको महानगर योगसमिति संयोजक शिल्पा प्याकुरेलले जानकारी दिइन् । कार्यक्रममा नेपाली कांग्रेसका केन्द्रीय सदस्य तथा पतंजली योग पिठका आजिवन सदस्य भीम पराजुलीले योगका माध्यमवाट स्वस्थ्य समाज निर्माण गर्न सकिने बताए ।

योगका माध्यमबाट सकारात्मक जीवन जीउन सक्ने कलाको विकास हुने भएकाले यसको महत्व अझ बढेको पराजुलीको भनाइ छ । योगलाई समाज रुपान्तरणको पाटोमा पनि लान सकिने उनको भनाइ थियो । कार्यक्रममा दयालु राधाकृष्ण धर्मशालाका अध्यक्ष किर्तिराज पराजुली,पतंजली योग पिठका सल्लाहकार चन्द्रमणी गुरागाई,पत्रकार महासंघ मोरङका कोषाध्यक्ष कौशल निरौला लगायतको सहभागिता रहेको थियो ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित