featured photo: Birat Post

विराटनगर,१ भदौ । विराटनगरमा आज निस्केको ५८ औं संस्करणको ऐतिहासिक राधाकृष्ण रथयात्रामा हजारौंको संख्यामा श्रद्धालु भक्तजनहरुले सहभागिता जनाएका छन् । विराटनगर १ तीनपैनीस्थित राधाकृष्ण मन्दिरबाट दिउँसो ३ बजे सुरु भएको रथयात्राले नगरको करिब ९ किलोमिटरको दुरी परिक्रमा गर्दछ ।

रथयात्रा सुरु हुनुअघि नै विभिन्न झाँकी, भजनमण्डली र सांस्कृतिक समूहहरुले सडकमा रौनक बढाएका थिए । विक्रम संवत् १९८८ मा खटयात्राको रुपमा सुरु भएको यो परम्परा २०२२ सालदेखि बयलगाडामा र २०२५ सालदेखि रथमा निकालिन थालिएको हो ।