Birat Post शनिबार, भाद्र ०७, २०८२ मा प्रकाशित
विराटनगर ,७ भदाै । नेपाली कांग्रेस माेरङ क्षेत्र नंं. ४ (१) ले झाेराहाटमा चरचना साथै तिज कार्यक्रम सम्पन्न गरेकाे छ । झाेराहाट स्थित मणिकर्निका सभा हलमा भव्यरूपमा आयाेजित शुभकामना आदान- प्रदान कार्यक्रमलाई नेपाली काँग्रेस केन्द्रीय सदस्य तथा प्रदेश सांसद भीम पराजुलीले प्रमुख अतिथिकारुपमा संवाेधन गरेका थिए ।
उनले सामाजिक तथा सांस्कृतिक महत्त्वलाई बुझेर यसकाे गरिमा बचाइराख्न जरूरी भएको बताए ।विविधताले भरिएको नेपाली समाजमा गर्व गर्न लायक अनेकन धार्मिक सांस्कृतिक रीतिरिवाज र परम्परा रहेको र यसको संरक्षण गर्नु पहिलो दायित्व रहेको बताए । सवैलाई न्याय हुने गरी कांग्रेसलाई अगाडि बढाइने नेता पराजुलीले बताए । उनले भने,”हामी सवैको अपनत्व हुनेगरी पार्टीलाई व्यवस्थित बनाउछौ । यसका लागि कांग्रेसमा योगदान गर्नु भएका र नयाँ साथीहरुवीच पनि समन्वय गरी अगाडि बढ्छौ ।”
यस्तै संविधानसभा सदस्य तथा पूर्व राज्य मन्त्री दीलिप गच्छदारले सवै नेपालीले मनाउने पर्व र मौलिकतालाई जोगाउन आवश्यक भएको औल्याए । उनले नेपाली कांग्रेसले मात्रै सवै जात जाती , भाषा धर्मको रक्षा गर्ने दावी गरे । झण्डै २ हजार बढी महिला ,दिदीबहिनी तथा कांग्रेसका नेता कार्यकर्ताहरूको सहभागीता रहेको कार्यक्रम गराउन सफल भएको भन्दै गच्छदारले खुसी व्यक्त गरे । उनले नेता तथा कार्यकर्तामा उत्साह ल्याउन यसखाले गतिविधि गरिरहने बताए ।
उक्त कार्यक्रममा संविधानसभा सदस्य भुटनीदेवी खवास , नेपाली कांग्रेस काेशी प्रदेश सदस्य केशर व. वस्नेत, शुची चाैधरी, माेरङका का. बा.सभापति भक्तिनाथ माझी, महिला संघ सभापति शान्ता पाैडेल,सचिव प्रमिला थापा, ने. कां. विराटनगरका सभापति दिपक चापागाईं , ग्रामथान सभापति तुलसी विस्वास, युवा नेता विनायक पन्त,थारू केन्द्रीय सदस्य जयमाला थारू, कांग्रेस नेतृ मन्जिता सरदार लगायतका नेता कार्यकर्ताहरूले आ-आफ्ना भनाइ राखेका थिए । कार्यक्रम प्रदेश क्षेत्रीय समिति ४ (१) सभापति सविता माझीकाे अध्यक्षतामा सम्पन्न भएको थियोे ।
फुटवल टिमको तयारीमा बुढीगंगा गाउँपालिका,खेलाडीका लागि कोच र डाईटको पनि व्यवस्था
कोशीमा आमसञ्चार सम्बन्धी व्यवस्था गर्न बनेको विधेयक, २०८१’ ‘होल्ड’
कोशी प्रदेश सरकार र छ स्थानीय तहबीच फोहोरमैला व्यवस्थापनका लागी साझेदारी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
