Birat Post शुक्रबार, भाद्र १३, २०८२ मा प्रकाशित
विराटनगर,१३ भदौ ।कोशी प्रदेश सरकारले प्रदेशसभाबाट पारित गर्ने तयारी गरेको ‘प्रदेश आमसञ्चार सम्बन्धी व्यवस्था गर्न बनेको विधेयक, २०८१’ ‘होल्ड’ भएको छ । प्रेस स्वतन्त्रता विरोधी प्रवधानसहितको विधेयक कोशी सरकारले ल्याएपछि पत्रकार र सञ्चारसम्बद्ध संघ संस्थाहरु आन्दोलनमा उत्रेका थिए ।
संशोधन गरेर मात्रै विधेयक ल्याउन पत्रकारले माग गरिरहदा विधेयक नै ‘होल्ड’ हुन पुगेको छ । प्रेस स्वतन्त्रता विरोधी प्रवधानसहितको विधेयक हतारमा आउनु भन्दा केही समय रोकेर सुझाव सहित आउनु राम्रो हुने आम पत्रकारको बुझाई थियो । अब यो विधेयक थप छलफलपछि मात्रै पास गरिने नेपाली कांग्रेस कोशी प्रदेश संसदीय दलका नेता उद्धव थापाले जानकारी दिए । पत्रकारको आन्दोलन संगै मुख्यमन्त्री हिक्मतकुमार कार्की संग तत्काल विधेयक अघि नबढाउने विषयमा छलफल भएको थापाको भनाइ छ ।
कोशी प्रदेश आमसञ्चारका सम्बन्धमा व्यवस्था गर्न बनेको विधेयक, २०८१’ प्रदेशसभामा २०८१ माघ १८ गते दर्ता भएको थियो । प्रदेशसभामा छलफलका क्रममा १३ वटा संशोधन दर्ता भएपछि छलफलका लागि प्रदेशसभाको न्याय प्रशासन तथा विधायन समितिमा पठाइएको थियो ।
निर्वाचन नजिकिँदै जाँदा शक्ति निर्माणको प्रतिस्पर्धामा नयाँ तथा पुराना दलहरु
जाँचबुझ आयोगमा बयान दिन जाने निर्णयमा पुगेको कांग्रेस नेता रमेश लेखकको भनाइ
विराटनगरमा जारी “विराट ट्रेड एक्स्पो”मा उपभोक्ता तथा दर्शकको चहलपहल बढ्यो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
