featured photo: Birat Post

काठमाडौं,२८ पुस । नेपाली कांग्रेसको दोस्रो विशेष महाधिवेशन मंगलबारसम्म लम्बिने भएको छ । महामन्त्रीद्वय गगनकुमार थापा र विश्वप्रकाश शर्माले पेस गरेका प्रतिवेदनमाथिको छलफल घनिभूत रूपमा चलिरहँदा निष्कर्षमा पुग्न नसकेपछि बन्द सत्र लम्बिएको हो । मंगलबार नै नेतृत्व चयनसमेत थालिने पनि बताइएको छ ।

यसअघि बन्द सत्रको अध्यक्षता काठमाडौं ५ का महाधिवेशन प्रतिनिधि ८८ वर्षिय श्यामबहादुर खड्काले गरेका थिए । महामन्त्रीद्वयले कांग्रेसलाई सुधार्न विभिन्न एजेण्डा पेश गरेका छन् । उनीहरुको प्रतिवेदनमाथि ९ समूह बनाएर छलफल सुरु भएको छ ।भृकुटीमण्डपमा विशेष महाधिवेशन जारी रहँदा कार्यवाहक सभापति पूर्णबहादुर खड्काले भने पार्टीलाई असर पर्ने कुनै पनि गतिविधि नगर्न भन्दै विज्ञप्ती जारी गरेका छन्।