featured photo: Birat Post

विराटनगर १५ माघ / विराटनगरवासीले शुद्ध खानेपानी खान पाउने भएका छन् । यसका लागि विभिन्न चरणका अध्ययन र अनुसन्धान गर्ने काम भएका छन् । विराटनगर महानगरपालिकाले जापान अन्तराष्ट्रिय सहयोग नियोग जाइका र नेपाल खानेपानि संस्थान संग सहकार्य गरेको छ । यो कार्यले सार्थकता पाए केही वर्ष भित्रै एक घर ,एक धाराको सपना पुरा हुने अपेक्षा गरिएको छ ।
विराटनगर महानगरका मेयर भीम पराजुलीको सक्रियतामा यो काम हुन लागेको हो । एक वर्ष अगाडी जाइकाका प्रतिनिधि संग मेयर पराजुलीले विराटनगरको खानेपानी अवस्थावारे अवगत गराएका थिए । यसै विषयलाई लिएर विराटनगर महानगरपालिका र जाइकाको प्रतिनिधि र कन्सल्टेन्ड संग दर्जनौ पटक छलफल र स्थलगत अनुगमन समेत भइसकेको छ । विराटनगरमा खानेपानिका लागि काम गर्न जाइका तयार भए संगै डिपिआरको काम समेत हुन थालेको छ । जस अन्तरगत प्रथम चरणको डिपिआर र प्रगतिप्रतिवेदन बुधवार प्रस्तुत गरिएको छ ।
विराटनगर महानगर र जाइकाको कन्सल्टेन्ड याचियो इन्जिनियरिङ कर्पुरेसन लिमिटेडले काम गरिरहेको छ । जाइका हेडक्वाटरका प्रतिनिधि योसिआकी योकोता र हिरोसी कुवोता साथै कन्सल्टेन्डका प्रमुख कात्सुमी फुजीको नेतृत्वमा आएको ४ सदस्य टोलिले विराटनगरमा आफ्नो काम शुरु गरेको छ ।
एक घर ,एक धाराको अवधारणा सहित स्वच्छ खानेपानि नगरवासीलाई ख्वाउने आफ्नो सपना रहेको भन्दै मेयर पराजुलीले पूर्ण विश्वासका साथ यो कार्यमा जुटेको बताए । विराटनगरमा ६० वर्ष भन्दा अगाडीका खानेपानिका पायपहरु जिर्ण अबस्थामा छन् । पायप ब्रष्ट हुदा कतिपय ठाउँमा फोहर पानि पिउन नगरवासीहरु बाद्य छन् । केहि बर्ष अगाडी पानिकै कारण फैलिएको जन्डिसका कारण विराटनगरका १३ जनाले ज्यान गुमाउनु परेको थियो । खानेपानिका लागि महानगरले जाइका संग गरेको यो योजना सफल भए विराटनगरवासीका लागि यो भन्दा खुसिको खवर अरु नहुने महानगरका प्रमुख प्रशासकिय अधिकृत एकदेव अधिकारीले बताए । उनले यो योजना सफल पार्नका लागि द्रुतगतिमा काम थाल्न सम्वन्धित पक्षलाई आग्रह गरेको बताए ।