featured photo: Birat Post

विराटनगर १ माघ /

विराटनगर महानगरका मेयर भीम पराजुलीले शैक्षिक क्षेत्रमा सुधार अभियान शुरू भईसकेको बताएका छन् । राधाकृष्ण भुपालमान सिंह कार्की माविको ६८ औ बार्षिक उत्सव तथा अभिभावक दिवसका अबसरमा बोल्दै उनले यस्तो बताएका हुन् । विराटनगर महानगर क्षेत्रका सामुदायिक विद्यालयको स्तर उन्नति र शैक्षिक गुणस्तरमा सुधार हुँदै आएको दावी गरे ।

उनले केही बर्षभित्रै बिराटगरको शैक्षिक गुणस्तर र यसका परिणामहरू देखा पर्नेमा आशा ब्यक्त गरे ।कार्यक्रममा मेयर पराजुलीले सिटिई भिटिई द्वारा स्वीकृत सिभिल ईन्जिनियरिङ कार्यक्रम डिप्लोमा तहको उद्घाटन ,विद्यालय परिसरमा महानगरद्वारा प्रदान गरिएका जडित सिसी क्यामेरा र नयाँ बसको समेत उदघाटन गरेका थिए ।

यस्तै सोही कार्यक्रममा सामुदायिक विद्यालयका छात्राहरूलाई सेनेटरी प्याड वितरण गर्ने कार्यक्रम अन्तरगत सो विद्यालयलाई समेत प्याड उपलब्ध गराईएको वडा नं १ का वडाध्यक्ष उद्धव अर्यालले जानकारी दिए । कार्यक्रममा विराटनगर महानगर उपमेयर ईन्दिरा कार्की ,विद्यालय ईकाई समितिका दिर्घगौतम चापागाईं,शैलजा आचार्य पोलिटेक्निकका प्रिन्सिपल सन्तबहादुर अधिकारी ,राधाकृष्ण भुपालमान सिंह कार्की मावि ब्यवस्थापन समितिका अध्यक्ष बेदनिधि सुवेदी , प्राध्यानाध्यापक डम्बर बहादुर कार्की लगायतको सहभागिता रहेको थियोे ।