featured photo: Birat Post

विराटनगर १० फागुन /
बिराटनगरमा फागुन २ गते देखि शुरु भएको कृषि तथा औद्योगिक अन्तर्रािष्ट्रय प्रदर्शनी (बिराट एक्स्पो) को आज सम्पन्न हुदै छ । आर्थिक विकासको मूल आधार, कृषि पर्यटन, उद्योग र व्यापार भन्ने नाराका साथ शुरु भएको प्रदर्शनीमा उल्लेख्य उपलब्धी भएको आयोजक उद्योग संगठन मोरङका अध्यक्ष भीम घिमिरेले बताए । जुम्लाको स्याउ, मार्सि चामल, तेह्रथुमको ढाका,संखुवासभाको अल्लो ,अष्ट्रिच चरा ,विभिन्न खेलौना जन्य सामान,कृर्षि तथा औद्योगिक उत्पादनका बस्तुले आगन्तुकलाई आकर्षित गरेको छ ।
राष्ट्रिय तथा स्थानीय कलाकारहरुले सन्ध्याकालिन साँस्कृतिक कार्यक्रममा रौनकता थपेका छन् । नेता ,कलाकार देखि विभिन्न शहरका मानिसहरुको बाक्लो उपस्थितीले मेलामा रौनकता थपेको छ । आज शनिवार साँझ नेपालको चर्चित एक्स ब्याण्डले समेत प्रस्तुति दिने छ भने साथ साथै कार्यक्रममको समापन हुने छ ।