featured photo: Birat Post

विराटनगर २१ फागुन /
शैक्षिक बेरोजगार युवा जनशक्तिलाई विराटनगर महानगरपालिका वडा नं.१ ले निशुल्क लोकसेवा आयोगको तयारी कक्षा शुरु गरेको छ । निजामती सेवा अप्राबिधिक तर्फका नायब सुब्वा ,खरिदार तथा संस्थान तर्फका प्रथम पत्रलाई सहयोग हुने उदेश्यका साथ निशुल्क कक्षा दिइने भएको छ ।
बुधवार विराटनगर महानगरका प्रमुख प्रशासकिय अधिकृत एकदेव अधिकारीले आयोग तयारीको कक्षाको शुभारम्भ गर्दै सफलताको कामना गरे । स्थानिय तहमा गरिने यस खाले कार्यक्रमले शिक्षित र बेरोजगार जनशक्ति लाभान्वित हुने बताए । यस्तै वडाध्यक्ष उद्धव अर्यालले वडाको शिक्षित युवाहरुको अवस्थालाई मुल्याङन गरी आयोगको तयारी कक्षा थालिएको बताए । वडाका ५० जना युवा युवतीहरुको सहभागिता रहेको र कार्यक्रम फलदायी हुने अपेक्षा गरे । फागुन २१ बाट शुरु भएको तयारी कक्षा २ महिना चल्ने बताएको छ । कार्यक्रममा नेपाल शिक्षक संघ मोरङका अध्यक्ष शिवराज कोइराला,महानगरका सामान्य प्रशासन महाशाखा प्रमुख अर्जुन थपलिया लगायतको सहभागिता रहेको थियो । फागुन २१ बाट शुरु भएको तयारी कक्षा २ महिना चल्ने बताएको छ ।