Birat Post मंगलबार, चैत्र ११, २०७६ मा प्रकाशित
कौशल निरौला ,विराटनगर ११ चैत्र /
विराटनगर रानी नाकाबाट नेपाल र भारत दुबैतर्फ प्रवेशमा रोक लगाइए संगै सिमा क्षेत्रमा अलपत्र परेका ४२ नेपाली नागरिकलाई मोरङ स्थित टाडीमा नेपाली सेनाले बनाएको क्वारेन्टाइनमा पठाएको छ । विराटनगर महानगरका मेयर भीम पराजुलीको अग्रसरतामा स्वास्थ्य टोली सहित सिमाक्षेत्र पुगी उनीहरुलाई क्वारेन्टाइन पठाएको हो । उनीहरुलाई गाडी रिजर्भ गरी आबश्यक मास्क ,खाने कुराको प्रबन्ध गरी पठाएको थियो ।
भारतका विभिन्न ठाँउबाट आएका नेपाली नागरिक सिमा क्षेत्रमा रोकिएका थिए । उनीहरुलाई नेपाल तर्फको सीमा नाकामा नेपाल प्रहरी र सशस्त्र प्रहरीले रोकेको थियो । आबश्यक समन्वय गरी उनीहरुलाई क्वारेन्टाइन पठाइएको मेयर पराजुलीले जानकारी दिए । नगरको स्वास्थ्य शुरक्षा प्रमुख दायीत्व भएको भन्दै सवै संयन्त्र प्रयोगमा ल्याइने मेयर पराजुलीले बताए । महानगरका स्वास्थ्यमहाशाखा प्रमुख रमेश कार्कीले सहमतिमै उहाहरुलाई क्वारेन्टाइनमा राखिन लागेको बताए । यसले गर्दा सवैलाई सहज हुने भन्दै सहयोगी भुमिका खेल्दिन कार्कीले आग्रह गरे ।
सिमाक्षेत्रमा अलपत्र नेपाली नागरिक र त्यहाँको अबस्थाका केही दृष्य :
रौतहटमा स्कारपियो दुर्घटना हुँदा ८ जनाको मृत्यु, पाँच जना घाइते
सहकारी ठगीमा रवि र छविलाई वीरगञ्जमा बयान लिइँदै
देशभर पश्चिमी वायुको प्रभाव, तराई तथा उपत्यकामा हुस्सु
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
