Birat Post आइतबार, चैत्र १६, २०७६ मा प्रकाशित
विराटनगर १६ चैत्र ।
सरकारद्धारा घोषित लकडाउन नियन्त्रणका लागि नेपाल प्रहरी फितलो देखिएको छ । विराटनगरमा लकडाउन उल्लंघन गर्नेहरुको उल्लेख्य संख्या बढिरहदा प्रहरीले गर्नुपर्ने कडाइ देखिदैन । प्रहरीले लकडाउन उल्लंघन गर्नेलाई पक्राउ गर्ने सम्बन्धी नीति परिवर्तन गरेर काठमान्डौलाई ब्यवस्थित बनाउदै छ । राजधानी र एकाध ठाउँ बाहेकका स्थानमा लकडाउनको उल्लघन गर्नेहरु सक्रिय छन् । काठमान्डौमा बिनाकारण सडकमा निस्कनेहरुलाई भेटिएकै ठाउँमा दुई घण्टा उभ्याउने नीति प्रहरीले लिएको छ तर विराटनगरमा भने खुलेयाम हिडिरहेको भेटिन्छ ।
विराटनगरका मूख्य सडक र भित्री बाटोहरुमा मानिसहरु निर्वाधरुपमा हिडिरहेको पाइएको छ । मोरङको हकमा प्रहरीले गर्न सक्ने धेरै कुरा भएपनि निर्देशनको अभाव र मोरङका प्रमुख जिल्ला अधिकारीको समन्वयमा कमजोरी देखिन्छ । नगरक्षेत्रमा भइरहेको लकडाउन उल्लंघनका विषयमा व्यापक जनगुनासो आएपनि संबन्धित निकाय मौन जस्तै देखिन्छ । यता महानगरले आफ्ना नगररक्षकहरु नगरका विभिन्न स्थानमा खटाएको बताएको छ । नगर रक्षकको संख्या न्यून रहेकाले प्रशासन संग समन्वय भइरहेको जनाएको छ ।
यस्तै सुनसरी ,झापामा पनि लकडाउनको उल्लंघन भइरहेको त्यहाँ स्थित हाम्रा संवाददाताहरुले जानकारी दिएका छन् । लकडाउनको लागि कडाइ नगरिदा उल्ल्घंनका घटना बढेका हुन् । लकडाउन नियन्त्रणमा नेपाल प्रहरी काहिँ फितलो र काहिँ दर्बिलो बनेको भन्दै सवै ठाउँमा कडाइ गर्न र अति आबश्यक परेको खण्डमा मात्रै सहयोग गर्न बिज्ञहरुले सुझाव दिएका छन् ।
महानगरद्वारा ज्येष्ठ नागरिक, अपांग र सुत्केरीका लागि नि:शुल्क एम्बुलेन्स सेवा सुरु
मैत्रीपूर्ण भलिबल प्रतियोगिताको जितले टिमलाई ऊर्जा प्राप्त भएको छ : घमाल
सुदूरपश्चिम प्रदेशमा गयो दुई ठूला भूकम्प, क्षतीको विवरण आउन वाकी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
