featured photo: Birat Post

विराटनगर १६ चैत्र /
कोरोना आशंकामा क्वारेन्टाइनमा बसिरहेकाहरुको अवस्था बारे अनुगमन गरिएको छ । कोरोना आशंकामा १ परिवारका ३ सदस्य सहित १ जना विराटनगर स्थित वडा नं. १९ मा रहेको बैझनाथपुर स्वास्थ्यचौकीको क्वारेन्टाइनमा बसिरहेका छन् । उनीहरुको अवस्था बारे आइतवार स्थलगत अनुगमन गरिएको छ । विराटनगर महानगरका मेयर भीम पराजुली,मोरङका प्रमुख जिल्ला अधिकारी मदन भुजेल,सशस्त्र प्रहरीका एसपी रुद्रबहादुर कार्की ,विराटनगर महानगरका स्वास्थ्य महाशाखा प्रमुख रमेश कार्की लगायतको टोलीले अनुगमन गरेको हो ।

क्वारेन्टाइनमा बसिरहेकाहरुको अवस्था, खानपिन ,बसाइ र शुरक्षाका विषयमा आबश्यक प्रबन्ध मिलाउने काम भएको स्वास्थ्य महाशाखा प्रमुख कार्कीले जानकारी दिए । विराटनगर महानगरले बैझनाथपुरमा २० कोठाको क्वारेन्टाइन बनाए सगै कोरोना आशंका लागेका व्यक्तिलाई प्रथम चरणमा त्यहाँ राख्न थालिएको हो । जम्मा २ सय २० कोठाको क्वारेन्टाइन प्रबन्ध गरेको महानगरले नगरका अत्यावस्यक क्षेत्रमा निर्मलीकरण गर्ने,सिमान्तकृत बर्गको पहिचान गरी खाद्य सामाग्री उपलब्ध गराउने तयारीमा जुटीरहेको छ ।