featured photo: Birat Post

विराटनगर २८ चैत्र /
सरकारद्धारा घोषित लकडाउन नियन्त्रणका लागि फितलो भएको आरोप खेपिरहेको मोरङ प्रहरी पुनः सक्रिय बनेको छ । उसले कडाइका योजनाहरु अगाडी ल्याएको छ । विराटनगरमा लकडाउन उल्लंघन गर्नेहरुको उल्लेख्य संख्या बढिरहदा प्रहरीले गर्नुपर्ने कडाइ देखिदैन भनेर आलोचना समेत हुनेगरेको थियो ।यी सवै कुरालाई परिमार्जन गर्दै मोरङ प्रहरी कडाइमा उत्रेको छ ।

साझको समयमा चोक चोकमा मानिसहरूको ठुलो चहलपहल बढेसंगै लकडाउन कडा बनाएको जिल्ला प्रहरी कार्यालय मोरङका प्रहरी प्रमुख बिश्व अधिकारीले बताए । साझको समयमा सर्वसाधारणलाई घरमै बस्न र पसल बन्द गर्न आग्रह गर्दै माइकिङ गरिएको छ । चोक चोकमा प्रहरीले कडाइ अभियान थालेको छ । प्रदेश १ सरकारको निर्णय संगै प्रहरी समेत लकडाउ पालना गराउन सडकमा उत्रेको छ । बिहान ,बेलुकाको समयमा हुने भिडलाई प्रहरीले प्रत्यक्ष नियमन गर्ने बताइएको छ । घर भन्दा बाहिर ननिस्कन र लकडाउनको पालना गर्न समेत प्रहरीले आग्रह गरेको छ ।