featured photo: Birat Post

विराटनगर ११ बैशाख /
उन्नाईस दिने जनआन्दोलनको बलमा स्थापना भएको १४ औ लोकतन्त्र दिवसका अवसरमा आज नेपाली कांग्रेस विराटनगर महानगरले दीप प्रज्वलन गरेको छ । विराटनगर स्थित बरगाच्छीमा भएको दीप प्रज्वलन कार्यक्रममा युवा नेता तथा महानगरका मेयर भीम पराजुली, कांग्रेस महानगरका कार्यबाहक सभापति अरुण न्यौपाने,कांग्रेस युवा नेता प्रकाश दाहाल,प्रविण जोशी,शत्रुघनचन्द्र पौडेल,नेविसंघ नेताहरु केशव गिरी ,बिष्णु भुर्तेल ,त्रीभुषण गिरी,याेगराज दाहाल लगायतकाे सहभागिता रहेको थियो ।

नेपाली काँग्रेसका तत्कालीन सभापति गिरिजाप्रसाद कोइरालाको नेतृत्वमा भएको आन्दोलनमा लाखौँ मानिस सडकमा उत्रिएपछि २०६३ सालमा आजैका दिन संसद् पुनःस्थापना भएको थियो । सोही दिनलाई लोकतन्त्र दिवसका रुपमा मनाउन थालिएको छ ।