featured photo: Birat Post

विराटनगर १९ बैशाख ।
रेडियो नेपालकी प्रथम गायिका एवं प्रजातन्त्र सेनानी रानुदेवी अधिकारीको निधन भएको छ । काठमाडौं सिनामंगलमा रहेको काठमाडौं मेडिकल कलेजमा ८६ वर्षको उमेरमा गएराति उनको निधन भएको हो । १९३६ नोभेम्बर २७ मा विरगञ्जमा जन्मेकी रानुदेवीको बाल्यकाल भारतमा बितेको थियो । उनले वि. सं. २००६ सालमा पहिलो पटकमै ६ वटा रेकर्डिङ गरेकी थिइन ।

निरंकुशता विरुद्धको प्रजातान्त्रिक आन्दोलनमा उनले कला र सांगीतिक मोर्चामा रहेर काम गरेकी थिइन् । उनका एक छोरा र दुई छोरी छन् । उनको राति नै अन्त्यष्टि गरिएको छ । रानुदेवीको जीवनीमा आधारित “मेरो कथा,, पुस्तक बरिष्ठ पत्रकार शंकर खरेलले प्रकाशन गरे संगै उनको चर्चा थप चुलिएको थियो । समाजमा विशिष्ट योगदानदिनेहरु गुमनाम बन्ने र मरे पछि मात्रै सम्झने परिपार्टीको सिकार रानुदेवी समेत भएकी थिइन् ।