आर्थिक विकासका सन्दर्भमा समेट्नु पर्ने सुझाव मुख्य मन्त्री शेरधन राईलाई हस्तान्तरण
Birat Post सोमबार, जेठ ०५, २०७७ मा प्रकाशित
विराटनगर ५ जेष्ठ ।
प्रदेश नं. १ सरकारले ल्याउने वजेटमा उद्योग-व्यवसाय क्षेत्रको प्रोत्साहन एवं विकासमा सघाउ पुर्याउने गरी ल्याउन विराटनगरका उद्योगीहरुले आग्रह गरेका छन् । कोभिड १९ महामारी संगै बर्तमान अवस्था विचार गर्दै आगामी आर्थिक वर्ष २०७७-७८ को बजेटमा आर्थिक क्षेत्रलाई प्राथमिकतामा राख्न उनिहरुले आग्रह गरेका छन् । उद्योग संगठन मोरंग र मोरंग व्यापार संघले संयुक्तरुपमा प्रदेश नं. १ को समग्र आर्थिक विकासका सन्दर्भमा समेट्नु पर्ने बिषयहरु सहितको सुझाव मुख्य मन्त्री शेरधन राईलाई सोमवार हस्तान्तरण गरेका छन् ।
सुझाव प्रस्तुत गर्दै संगठनका अध्यक्ष भीम घिमिरेले विश्वव्यापी महामारीमा नीजि क्षेत्रले पु¥याउदै आएको योगदानका विषयमा बुझिदिन आग्रह गरे । अध्यक्ष घिमिरेले कठिन परिस्थितिमा उद्योग व्यवसाय संचालनका लागि संघीय, प्रदेश र स्थानीय निकायबाट तोकिएको प्रावधानहरु बिच एकरुपता नहुदा उद्योग व्यवसाय संचालनमा विभिन्न वाधा व्यवधान र कठिनाईको सामना गर्नु परिरहेको बताए ।
मोरंग व्यापार संघका अध्यक्ष प्रकाश मुन्दडाले वर्तमान समयमा उद्योगहरु चरम मारमा परी धरासायी हुने तर्फ उन्मूख भईरहेको तर्फ ध्यानाकर्षण गराए । उनले आगामी आर्थिक वर्षका लागि प्रस्तुत हुने वजेटमा समावेश गर्नका लागि नीजि क्षेत्रका तर्फबाट प्रस्तुत सुझावलाई प्राथमिकता दिई कार्यान्वयनमा ल्याउन मुख्य मन्त्री समक्ष अनुरोध गरे ।
प्रदेश नं. १ का मुख्य मन्त्री शेरधन राईले महामारीका कारण आर्थिक गतिविधि ठप्प हुदा सबै क्षेलाई मार परिरहेको वताए । मुख्यमन्त्री राईले नीजि क्षेत्रको आर्थिक विकासका सहयात्री भएकाले यस क्षेत्रको विकास र संचालनमा आईपर्ने समस्यालाई समाधान गर्न आफु सदैव तत्पर रहेको बताए ।
सुझाव हस्तान्तरण कार्यक्रममा संगठनका वरिष्ठ उपाध्यक्ष सुयश प्याकुरेल, उपाध्यक्ष राकेश सुराना, मोरङ ब्यापार संघका पूर्व अध्यक्ष पवन सारडा, महेश जाजु, बरिष्ठ उपाध्यक्ष नविन रिजाल लगायतको उपस्थिति रहेको थियो ।
तेस्रो मिल्स क्रिकेट प्रतियोगिता सुरु, दिल्ली र एनबीएससी विजयी
नेपालमा बाँझोपन संवन्धी समस्या, लैंगिक हिंसा पनि बढ्दो
नोटमा नक्सा छाप्दा अरु देशले चिन्ता गर्नु पर्दैनः ओली
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
