featured photo: Birat Post

विराटनगर १२ जेष्ठ ।
पछिल्लो समय नेपाल ,भारत सीमा बिवादको विषयले अर्को रुप लिएको छ । यसको आक्रोश साइवर आक्रमणमा गएर ठोकिएको छ । कालापानी र लिपुलेक क्षेत्रका विषयमा उठेको सवाललाई भारतीय पक्षले इगोकोरुपमा लिएको छ । भूमी अतिक्रमणका विषयलाई लिएर नेपालमा तीब्र आक्रोश छ र यसको चौतर्फी बिरोध समेत भएको छ । भारतीय ह्याकरहरुले नेपालका विभिन्न वेवसाइट ह्याक गरे संगै नेपाली ह्याकरहरु पनि आक्रमणमा उत्रेका छन् । जसका कारण दुवै देशका वेवसाइडमा समस्या हुन थालेको छ ।

भारतीय ह्याकरले नागरिक उड्यान प्राधिकरणको वेवसाइटमा समेत क्षती गर्न खोजेका छन् । वेवसाइडमा भारतको झण्डा राखेका थिए । नेपाल राष्ट्रिय पुस्तकालय र विभिन्न स्कुलहरुको वेवसाइड ह्याक गरेका छन् । यसमा विराटनगरका विभिन्न स्कुलहरु समेत परेका छन् ।
भारतीय ह्याकरहरु उग्ररुपमा चेतावनी दिइरहदा नेपालका शतान र ब्रह्मा भन्ने ह्याकरहरुको समुहले समेत बेतोड जवाफ दिएका छन् । ह्याकरहरुका कारण सरकारी तथा निजि वेवसाइट जोखिममा परेका छन् । यस विषयमा साइवर हेरिरहेको प्रहरी र सरकारी संयन्त्रवाट कुनै आधिकारिक कुरा आएको छैन । यसखाले श्रृखला केहीदिनयतावाट उग्ररुपमा चलिरहेको छ ।