featured photo: Birat Post

नयाँ दिल्ली– भारतका मोस्ट वान्टेड आतंककारी, अन्डरवल्ड डन दाउद इब्राहिम पाकिस्तानमा बसोबास गर्ने भएता पनि भारतमा उनी चर्चाको बिषय बनिरहन्छन् । सन् १९९३ मा मुम्बई बम बिस्फोट गर्नुको साथै विभिन्न अपराधका यी आरोपीसंग सम्बन्धित स –साना सूचनालाई पनि मानिसहरु गम्भिरताका साथ लिने गर्छन् ।

यस्तो अवस्थामा यदि दाउदको कोरोनाको संक्रमणका कारण मृत्यु भएको खबर आउँदा धेरै मानिसहरुले चासो राख्नु स्वभाविक नै हो ।पहिला पनि दाउदसंग सम्बन्धित यस प्रकारका हल्लाहरु हल्ला मात्र भएको प्रमाणित भइसकेको छ । जसका कारण मानिसहरु उनीसंग सम्बन्धित धेरै खबरहरु हल्ला मात्र होकि भन्ने सोच्ने गर्छन् ।

त्यस्तै खबर जून ५ मा दाउद इब्राहिम र उनकी श्रीमतीको कोरोना संक्रमणका कारण मृत्यु भएको खबर भाइरल भयो ।यो खबर भारत तथा नेपालमा सामाजिक सन्जाल तथा विभिन्न न्यूज च्यानलमा पनि प्रसारित भयो । समाचार अनुसार दाउद इब्राहिम र उनकी श्रीमतीको कोरोना संक्रमणका कारण कराँचीको एउटा अस्पतालमा मृत्यु भएको छ ।

तर दाउद इब्राहिमका भाइ अनीसको आईएएनएससंग भएको कुराकानीले दाउदलाई कोरोना संक्रमण नभएको र उनको मृत्युको खबर पनि झुठो भएको बताएको छ ।एक जना संवाददाताको ग्राउन्ड रिपोर्टका अनुसार क्लिफ्टन र डीएचए कराँचीका यी दुई इलाका, जहाँ दाउदको घर भएको बताइन्छ, त्यहाँ धेरै दिनदेखि कुनै हलचल देखिएको छैन ।

सिन्धको यो राजधानीमा स्वास्थ्य र सुरक्षासंग सम्बन्धित अधिकृतहरुले पनि दाउदको मृत्युको खबर झुठो भएको बताएका छन् ।अधिकारीहरुका अनुसार दाउदलाई कराँचीको कुनै पनि अस्पतालमा कोरोनाको विरामीको रुपमा भर्ना गरिएको छैन । निष्कर्ष दाउद इब्रोहिमको परिवार र पाकिस्तानका सरकारी अधिकृतहरुले दाउदको मृत्युको खबर झुठो भएको बताएका छन् ।

उनीहरु भन्छन् – ‘केवल एउटा हल्ला मात्र हो ।’

-एजेन्सीको सहयोगमा ..