featured photo: Birat Post

विराटनगर २७ जेष्ठ ।
फिलिपिन्सले कोरोना भाइरस विरुद्धको खोप नबनेसम्म विद्यालय नखोल्ने निर्णय गरेको छ । फिलिपिन्सका शिक्षा सेक्रेटरी लियोनोर ब्रिओन्सले खोप नबनेसम्म विद्यालय नखोल्ने जानकारी दिए । यससँगै फिलिपिन्सका लाखौं विद्यार्थी शिक्षाको पहुँचबाट वञ्चित रहने आशंका बढेको छ ।
अहिले विश्वभरका वैज्ञानिकहरु कोरोना भाइरसको खोप निर्माणको दिशामा अघि बढिरहेको छन् । यद्यपि धेरै विशेषज्ञहरुले भने यो खोप बजारमा आउन अझै कम्तिमा एक वा दुई वर्ष लाग्न सक्ने बताएका छन् । ब्रिओन्सका अनुसार अगष्टको अन्तिमबाट अनलाइन वा टेलिभिजन कक्षा सुरु हुने जनाएको छ । हालै मात्र फिलिपिन्सले मुलुकमा दुई महिनाभन्दा लामो समयपछि लकडाउन खुकुलो बनाएको छ । यहाँ अहिले पनि दिनहुँ एक सयभन्दा धेरै नयाँ संक्रमित उपचारमा आउने गरेका छन् ।
स्रोत : द गार्जियन

सम्बन्धित

अदालतद्वारा थाई प्रधानमन्त्री शिनावात्रा बर्खास्त

भारतको वैष्णो देवी जाने बाटोमा पहिरो, ३२ भक्तजनको मृत्यु

यस वर्षको कक्षा १२ को नतिजा सार्वजनिक

विराटनगरकी सृजा पोखरेल बनिन् एनआरएनए तास्मानिया नारी निकुञ्जको महिला संयोजक