featured photo: Birat Post

विराटनगर २ असार ।
गृहमन्त्रालयको सोमवारको निर्णय अनुसार मोरङको प्रहरी प्रमुखमा सन्तोष खड्कालाई सरुवा गरेको छ । हाल प्रदेश न २ को राजधानी जनकपुरको अपराध अनुसन्धानमा कार्यरत खड्का मोरङ जिल्लाको नेतृत्व सम्हालेर पहिलो पटक आउन लागेका हुन् ।
प्रहरी संगठनमा इमान्दार छवी बनाएका खड्का आइजी ठाकुर ज्ञवालीको व्यक्तिगत इच्छामा मोरङ सरुवा भएर आउन लागेका हुन् । प्रहरी स्रोतका अनुसार उनी एकसाता भित्रै हाजिर हुने छन् ।

जहाँ बसेर उनी काम गर्छन त्यहाँ उनको इमान्दारीता झल्किन्छ ,त्यही नै खड्काको उपलब्धि हो । यसै कारण नेतृत्वले उनलाई बढी रुचाएको प्रहरी स्रोतले बतायो । खड्का प्रहरी संगठनमा प्रवेश गर्नु अघि पत्रकारिता क्षेत्रमा कार्यरत थिए । काठमाण्डौबाट प्रकाशित लोकपत्र दैनिक , पूर्नजागरण साप्ताहिक , जनज्योती साप्ताहिक र रेडियो सगरमाथामा उनले ६ बर्ष काम गरेको अनुभव छ । आर.आर कलेज काठमाण्डौबाट वि.स २०४९ सालमा पत्रकारिता बिषयमा स्नातक गर्दै उनले राजधानीबाट प्रकाशित दैनिक र विभिन्न साप्ताहिकमा काम गरिसकेका छन् ।

झापा निवासी खड्काले प्रहरी उपरीक्षक भएर जिल्लाको कमाण्ड सम्हाल्न लागेको भने यो पहिलो पटक हो । यस अघि उनी अख्तियार , अपराध महाशाखा , प्रदेश नम्बर २ को अपराध अनुसन्धान प्रमुख भएर काम गरेका थिए । वि.स २०६४ सालमा प्रहरी निरीक्षक भएर उनले मोरङको बेलबारीमा काम गरेका थिए । विस २०५८ सालमा प्रहरी निरीक्षक भएपछि संगठनको नेतृत्वमा बसेका खड्काले ६ वटा इलाका इन्चार्ज समेत सम्हालेका छन ।

प्रहरी नायव उपरीक्षक( डिएसपी ) मा कार्यरत रहदा कास्की , सिंहदरवार वृत र जिल्ला प्रहरी कार्यालय संखुवासभाको प्रहरी प्रमुख भएर काम गरेका छन । अपराध अनुसन्धानमा बिशेष दखल भएका खड्काले मोरङ बसाईका क्रममा जिल्लाको शान्तिसुरक्षा ,लागुऔषध , सीमा क्षेत्रबाट हुने अवैध चोरी तस्करी लगायतका बिषयमा कटिबद्ध भएर काम गर्ने बताए ।